बीड जिल्ह्यातील संतोष देशमुख प्रकरणावरुन सध्या राजकारण तापलं आहे. आज बीड जिल्हा रुग्णालयात वाल्मिक कराड यांची तपासणी करण्यात आली. बीड जिल्हा रुग्णालयातील तपासणीनंतर बीड जिल्हा कारागृहात रवानगी करण्यात आली. खंडणी प्रकरणात वाल्मिक कराडला १४ दिवसांची न्यायालयीन कोठडी मिळाली आहे. त्याचबरोबर कराडवर मकोका देखील लावण्यात आलेला आहे. त्यामुळे आजची रात्र कराडला बीड जिल्हा कारागृहात काढावी लागणार आहे. उद्या एसआयटीकडून कराडला पुन्हा न्यायलात हजर करण्यात येणार आहे. त्याचबरोबर एसआयटी उद्या कराड याची पोलीस कोठडी मागणार आहे.