लासलगाव कृषी उत्पन्न बाजार समितीमध्ये सोमवारी सकाळी ९ वाजता कांद्याचे लिलाव सुरू झाले. यावेळी कांदा दरात मोठी घसरण झाल्याचे दिसून आल्याने भारत दिघोळे व कांदा उत्पादक शेतकऱ्यांनी कांद्याचे लिलाव काही काळासाठी बंद पाडले. त्यानंतर केंद्र व राज्य सरकारच्या विरोधात जोरदार घोषणाबाजी करण्यात आली. केंद्र सरकारने कांद्यावर लागू केलेले २० टक्के निर्यात शुल्क तत्काळ रद्द करून शून्य टक्के करावे व कांदा उत्पादक शेतकऱ्यांना आर्थिक दिलासा द्यावा, अशी मागणी दिघोळे यांनी उपस्थित आंदोलकांसमोर केली. केंद्र व राज्य सरकारने कांदा उत्पादकांच्या मागणीची दखल न घेतल्यास या पुढे राज्यव्यापी रस्ता रोको, रेल रोको करून राज्यातील बाजार समित्यांमध्ये कांद्याचे लिलाव बंद पाडून जेल भरो सारखे मोठे आंदोलन करण्याचा इशारा, दिघोळे यांनी दिला.
तस्करीत पती पाठीशी! पल्लवी निकुंभ एमडीची ‘मास्टरमाइंड’; महिलांच्या समावेशाचा चौथा गुन्हा
आंदोलनात केदारनाथ नवले, दत्तू गांगुर्डे यांच्यासह कांदा उत्पादक शेतकरी मोठ्या संख्येने सहभागी झाले होते. साधारण: अर्धा तासानंतर कांद्याचे लिलाव पूर्ववत सुरू करण्यात आले.

सरासरी १८२५ रुपयांचा दर
खरीप हंगामातील लाल कांद्याचे दर गेल्या काही दिवसांपासून प्रतिक्विंटल ३००० हजार ते ३५०० रुपयांनी घसरले आहेत. यामुळे कांदा उत्पादक शेतकरी आर्थिक संकटात सापडले आहेत. सोमवारी लासलगाव कृषी उत्पन्न बाजार समितीत १०८८ वाहनातून कांद्याची आवक झाली. यावेळी कांद्याला कमीत कमी ७००, जास्तीत जास्त २३३२, तर सरासरी १८२५ रुपये प्रतिक्विंटल दर मिळाला.
Ajit Pawar : राजीनाम्याबाबत किती वेळा सांगायचे? धनंजय मुंडेंच्या राजीनाम्याचा मुद्दा अजित पवारांनी टोलविला
बाजार समिती पदाधिकाऱ्यांची २० रोजी निवड
मालेगाव : येथील बाजार समितीच्या सभापती व उपसभापतिपदाची निवडणूक सोमवारी (दि.२०) होणार आहे. चांदवडच्या सहाय्यक निबंधक सविता शेळके यांच्या अध्यक्षतेखाली संचालक मंडळाची बैठक सकाळी अकरा वाजता बाजार समितीच्या सभागृहात बोलविण्यात आली आहे. त्यामुळे राजकीय हालचाली गतीमान झाल्या आहेत. बाजार समितीची सार्वत्रिक निवडणूक २ मे २०२३ ला झाली होती. या निवडणुकीत १८ पैकी १५ जागा शिवसेना (उबाठा) उपनेते अद्वय हिरे यांच्या पॅनलला, तर तीन जागा मंत्री दादा भुसे यांच्या पॅनलला मिळाल्या होत्या.
Mahakumbh 2025: प्रयागराजमध्ये भक्तिसागर! महाकुंभमेळा सुरू; पहिल्या दिवशी १.६५ कोटी भाविकांनी केले स्नान
हिरे गटाकडे बहुमत असल्याने २५ मे २०२३ ला त्यांची समितीच्या सभापतिपदी तर अ‍ॅड. विनोद चव्हाण यांची उपसभापतिपदी अविरोध निवड झाली होती. अ‍ॅड. चव्हाण यांनी उपसभापती पदाचा राजीनामा दिला होता. दरम्यानच्या काळात सभापती हिरे सलग सात मासिक सर्वसाधारण सभांना गैरहजर राहिल्याने जिल्हा उपनिबंधक फयाज मुलाणी यांनी २३ डिसेंबर २०२४ रोजी त्यांचे संचालकपद रद्द केले. परिणामी दोन्ही रिक्त पदांसाठी ही निवड प्रक्रिया होत आहे. हिरे गटाचे पाच संचालक शिवसेनेच्या (शिंदे गट) वाटेवर आहेत. त्यांना पर्यटनासाठी रवाना करण्यात आले आहे.