कामात गतिमानता आणि पारदर्शकता आणण्यासाठी मुख्यमंत्र्यांचे प्रयत्न

राज्यातील प्रशासकीय कामात गतिमानता आणि पारदर्शकता आणण्यासाठी मुख्यमंत्री फडणवीस यांनी अनेक दिवसांपासून विभागवार अधिकाऱ्यांच्या बैठकी घेण्यास सुरुवात केली आहे. ही आढावा बैठक घेताना प्रत्येक विभागाला शंभर दिवसांच्या आराखड्याचे नियोजन करण्याची सूचना केली आहे. त्यासाठी सर्व विभागांना सात कलमी कृती आराखड्याची अंमलबजावणी करण्याची सूचना फडणवीस यांनी केली.
Mahakumbh 2025: प्रयागराजमध्ये भक्तिसागर! महाकुंभमेळा सुरू; पहिल्या दिवशी १.६५ कोटी भाविकांनी केले स्नानकिमान दोन दिवस प्रत्यक्ष कार्यालयाबाहेर जाऊन कामांचा आढावा घ्यावा लागणार

या कार्यक्रमात प्रत्येक विभागातील अधिकाऱ्यांनी यापुढे त्यांच्या विभागाचा आढावा घेताना आठवड्यातील किमान दोन दिवस प्रत्यक्ष कार्यालयाबाहेर जाऊन कामांचा आढावा घेण्याची सूचना केली. त्याशिवाय राज्य आणि केंद्र सरकारच्या योजनांची योग्य अंमलबजावणी होत आहे की नाही, याचा आढावा घेण्याची सूचनाही केली आहे. सर्व अधिकाऱ्यांनी येत्या काळात ई-फायलिंगचा अधिक वापर करण्याची सूचना मुख्यमंत्र्यांनी केली.

प्रलंबित असलेली प्रकरणे लवकरात लवकर निकाली काढण्याच्या सूचना

तसेच ‘आपले सरकार’ आणि इतर मंचांवर प्रलंबित असलेली प्रकरणे लवकरात लवकर निकाली काढण्याची सूचनाही मुख्यमंत्र्यांनी अधिकाऱ्यांना केल्याचे समजते. पारदर्शकता आणि गतिमानता यासाठी मुख्यमंत्री गेल्या काही दिवसांपासून अधिकाऱ्यांच्या बैठका घेत आहेत. देवेंद्र फडणवीस यांनी 5 डिसेंबर रोजी मुख्यमंत्री म्हणून राज्याची सुत्रे हातात घेतली. अजित पवार आणि एकनाथ शिंदे यांनी उपमुख्यमंत्री म्हणून शपथ घेतली. त्यानंतर नागपूरमध्ये मंत्रीमंडळ विस्तार देखील करण्यात आला. खातीवाटप देखील झाली आहेत. पालकमंत्रिपदावरून महायुतीमध्ये रस्सीखेच बघायला मिळत आहे.