एलईडीवर बंदी काटेकोरपणे राबवण्यासाठी आजपासूनच कारवाईला सुरुवात करा. ट्रॉलर जप्त करा. मत्स्य उत्पादन वाढवण्यासाठी आणि सागरी सुरक्षेला सर्वोच्च प्राधान्य द्या, त्यासाठी अधिकाऱ्यांनी मानसिकता बदलावी अशी तंबी मत्स्यव्यवसाय व बंदरे मंत्री नितेश राणे यांनी यांनी बंदर विभागाच्या अधिकाऱ्यांना दिली. सोमवारी रत्नागिरी दौऱ्यावर ते आले होते. शासकीय विश्रामगृहात मत्स्यव्यवसाय व बंदरे मंत्री नितेश राणे यांनी मत्स्यव्यवसाय व बंदरे विभागाची आढावा बैठक घेतली. यावेळी ते बोलत होते.
शिकारीसाठी झाडावर चढला, अचानक बंदुकीतून गोळी सुटली आणि घात झाला; रायगडमध्ये हळहळ

नितेश राणेंची अधिकाऱ्यांना तंबी

सविस्तर आढावा घेवून नितेश राणे म्हणाले, पारदर्शक कार्यवाही करण्यासाठी इच्छाशक्ती निर्माण करावी. उत्पादन वाढीसाठी वेगळी संकल्पना सादर करावी. निश्चितपणे त्याचा विचार करु. कारभारात बदल न दिसल्यास त्या अधिकाऱ्याची गय केली जाणार नाही, अशा शब्दात त्यांनी अधिकाऱ्यांना खडे बोल सुनावले आहेत.
मोजणीत एक जण कमी अन् घटनेचा उलगडा; १४ फुटांच्या भींतीवर कैद्याला पाहून पोलीसही हादरले
राणे पुढे म्हणाले की, मत्स्य उत्पादन वाढवणं, त्यासाठी नियमांची प्रभावीपणे अंमलबजावणी करणं आणि सागरी सुरक्षा करणं, हा आपल्या विभागाचा उद्देश आहे. किनारपट्टीवर अनधिकृत बांधकामं किती आहेत, किती बोटींची नोंदणी आहे, किती बोटी चालतात याबाबतचा अहवाल द्यावा. पारदर्शकपणे अधिकाऱ्यांनी कार्यवाही करावी. ज्यांच्यावर दंडाची आकारणी करण्यात आलेली आहे, त्यांच्याकडून १०० टक्के वसुली करण्यात यावी.

देशाचं, राज्याचं उत्पादन वाढवायचं असेल तर, सिंधुदुर्ग, रत्नागिरी, ठाणे, रायगड, पालघर या जिल्ह्यांचं उत्पन्न वाढायला हवं. सर्व विभागांनी एकत्र येऊन समन्वयाने उत्पादन वाढीसाठी प्रयत्न करावं. शासनाकडून ज्या तुमच्या मागण्या आहेत, त्या निश्चितपणे मुख्यमंत्री महोदयांच्या माध्यमातून पूर्ण करण्यासाठी प्रयत्न केला जाईल. परंतु, अधिकाऱ्यांनी त्यांची मानसिकता बदलावी, असं या आढावा बैठकीत राणे यांनी बजावलं आहे.

बैठकीला पोलीस अधीक्षक धनंजय कुलकर्णी, अपर जिल्हाधिकारी शंकर बर्गे, प्र. सहाय्यक आयुक्त आनंद पालव, प्रविण गोळवलकर, प्रादेशिक मत्स्यव्यवसाय उपायुक्त ना. वि. भादुले, सीमाशुल्क अधीक्षक पवन राठी, निरीक्षक राजेश लाडे आदी उपस्थित होते.