Dhananjay Deshmukh : बीडमध्ये सरपंच संतोष देशमुख यांच्या हत्येप्रकरणी एक महिना उलटून गेला आहे, तरीही आरोपींना कोणतीही कठोर शिक्षा झालेले नाही. संतोष देशमुख यांचे भाऊ धनंजय देशमुख यांनी आरोपींना ३०२ अंतर्गत कारवाई न झाल्यास आंदोलन करण्याचा आणि स्वतःला संपविण्याचा इशारा दिला आहे.
धनंजय देशमुख काय म्हणाले?
खून प्रकरणातील आरोपी आहेत त्यांना शिक्षा झाली पाहिजे. खंडणी ते खून प्रकरण हे काय कनेक्शन आहे ही सीआयडीने ३१ डिसेंबरला पहिल्या सुनावणीवेळी स्पष्ट केलं आहे. त्यानंतर आरोपीला १५ दिवसांची पोलीस कोठडी सुनावली आहे. जर या आरोपीला मोक्का आणि ३०२ आरोपामध्ये नाही घेतलं तर माझ्या कुटुंबाचं मोबाईल टॉवर आंदोलन असेल, त्या टॉवरवर मी स्वत:ला संपून घेतो. याचं कारण असं आहे की, हे आरोपी सोडले तर माझा हे खून करतील. माझ्या कुटुंबात न्याय मागणारं कोणी नसेल. माझ्या भावालाही वाटेल की, आपला भाऊ स्वत:संपला. त्यालाही समाधान वाटेल की अशा पद्धतीने मारला गेला नाही, असं धनंजय देशमुख यांनी म्हटलं आहे.
मी उद्या टॉवरवर चढून स्वत:ला संपून घेणार आहे. मला भीती आहे, हा गुन्हा खंडणीतूनच घडलेला आहे. जर मला न्याय भेटत नसेल, माहिती मिळत नसेल, मला आणि माझ्या कुटुंबाला दूर ठेवलं जात असेल तर मी माझा स्वत:चा निर्णय घेतलेला बरा आहे. मी आणि माझे कुटुंबिय गांभीर्यपूर्वक हा निर्णय घेत आहे, सकाळी १० वाजता मी टॉवरवर जाणार आणि संपून घेणार आहे. मला सगळ्यांपासून भीती आहे. खंडणी ते खूनापर्यंतचे आरोपी आहेत त्यांना जाणीवपूर्वक बाहेर काढलं जात आहे. मला आणि गावकऱ्यांना माहिती दिली जात नाही. मुख्यमंत्री साहेबांवर विश्वास ठेवला चूकलो का? यंत्रणा आम्हाला माहिती देत नसेल आणि कोणाला तरी वाचवण्याचा प्रयत्न करत असेल तर आमच्या न्याय मागण्याल काहीच अर्थ नाही, म्हणून मी हे आंदोलन करत असल्याचं धनंजय देशमुख म्हणाले.
लेखकाबद्दलहरिश मालुसरे महाराष्ट्र टाइम्स ऑनलाईन टीममध्ये सिनिअर डिजिटल कंटेंट प्रोड्युसर म्हणून कार्यरत. क्रीडा, राजकीय आणि क्राईम बातम्यांमध्ये विशेष आवड. झी 24 तास आणि टीव्ही9 मराठीसह पत्रकारिता क्षेत्रात 04 वर्षांचा अनुभव.… आणखी वाचा