‘महाराष्ट्र टाइम्स’च्या पुणे आवृत्तीच्या चौदाव्या वर्धापनदिनानिमित्त आयोजित ‘मटा संवाद’ कार्यक्रमात त्या बोलत होत्या. ‘मटा’च्या पुणे आवृत्तीचे संपादक श्रीधर लोणी या वेळी उपस्थित होते.

नीलम गोऱ्हे यांनी या वेळी स्थानिक स्वराज्य संस्थेच्या आगामी निवडणुकांमध्ये महायुती म्हणून बेरजेच्या राजकारणाबाबत भाष्य केले. ‘महापालिका निवडणुका लवकर घेऊन ‘प्रशासक राज’ बदलले पाहिजे. प्रत्येक स्थानिक स्वराज्य संस्थेच महायुतीच्या घटक पक्षांची वेगळी ताकद आहे. बेरजेच्या राजकारणासाठी महायुती व्हावी, असा प्रयत्न आहे; मात्र, जिथे शक्य नाही, तिथे महापालिका, जिल्हा परिषदेच्या निवडणुका लढू,’ असे त्या म्हणाल्या.
ओझरमध्ये विवाहितेनं संपवलं जीवन; सासरच्या मंडळींवर गंभीर आरोप, ७ महिन्यांपूर्वीच झालेलं लग्न, नेमकं काय घडलं?
‘गेल्या वर्षी झालेल्या लोकसभा निवडणुकीत महायुतीला अपेक्षित यश मिळाले नसले, तरी तत्कालीन मुख्यमंत्री एकनाथ शिंदे यांच्या नेतृत्वाखाली शिवसेनेचे सात खासदार निवडून आले. त्यानंतर विधानसभेतही अपक्षांसह साठ आमदार असून मतांचा टक्काही वाढला आहे. देवेंद्र फडणवीस सरकारमध्ये शिवसेनेच्या मंत्र्यांना आरोग्य, गृहनिर्माण, सामाजिक न्याय, नगरविकास, पाणीपुरवठा अशी चांगली खाती मिळाली असून, त्या माध्यमातून शहरवासीयांचे प्रश्न सोडविण्यावर आमचा भर असेल,’ असेही त्यांनी सांगितले. ‘विधान परिषदेत २२ वर्षे आमदार म्हणून मराठी भाषेचा प्रसार, पंढरपूरच्या विठ्ठल मंदिराचे संवर्धन अशा विविध विषयांवर काम केले, तर विधान परिषदेच्या उपसभापती पदासोबत सभापतींच्या रिक्त पदाचा कार्यभारही सांभाळताना महिलांची सुरक्षितता, करोना काळात आरोग्य यंत्रणेचे सक्षमीकरण, सायबर गुन्हे रोखण्यासाठी ‘एसओपी’ अशा विविध विषयांवर काम केले,’ असेही त्यांनी नमूद केले.
मुंबईत कोट्यवधींचा CRZ घोटाळा; १०२ सरकारी नकाशांत फेरफार, माजी सरकारी कर्मचाऱ्यांसह चौघांना अटक
महिलांना हवी संधी
लोकसभेसह विधानसभांमध्ये महिलांना ३३ टक्के आरक्षणाची अंमलबजावणी २०२९पासून होणार आहे. तोपर्यंत लोकसभा मतदारसंघांची पुनर्रचना होणार असून, या आरक्षणात बड्या नेत्यांच्या कुटुंबातील ‘ताईसाहेब’, ‘राणीसाहेब’ यांच्याऐवजी समाजासाठी झटणाऱ्या महिला कार्यकर्त्यांना संधी द्यावी,’ असे आवाहन डॉ. गोऱ्हे यांनी सर्व राजकीय पक्षांना केले.