रामटेक परिसर नैसर्गिक साधनसंपत्तीने नटलेला आहे. श्रीरामचंद्रांच्या पदस्पर्शाने हा परिसर पावन झालेला आहे. कविकुलगुरू कालिदास येथील सौंदर्याने आणि पावित्र्याने भारावून गेला. येथे श्रीराम, सीता व लक्ष्मण यांच्या देवळांसह ऐतिहासिक त्रिविक्रम, वराह, केवल नृसिंह, रुद्र नृसिंह, भोगराम, गुप्तराम आदींचेही देवळे आहेत. येथे पवित्र अंबाळा तलावही आहे. या सर्वांचा विकास व्हावा आणि रामटेकला आलेला पर्यटक, तीर्थयात्रेकरू सुखावून जावा म्हणून महाराष्ट्र शासनाने २१ मे २०१८ रोजी तीर्थक्षेत्र विकास आराखड्याला मंजुरी दिली. पार्किंगजवळ आणि नृसिंह मंदिराजवळ स्वच्छतागृह तयार करण्यात आले.
Nashik: ‘सिव्हिल’मधील बाळ चोरीचा १२ तासांत उलगडा, एमबीए महिलेचं कृत्य, कारण धक्कादायक
यात्री निवास आणि मोक्षधाम अंबाळा तलाव, डिअर पार्क, योग भवन ही कामे पूर्ण झाली असल्याचे सार्वजनिक बांधकाम विभागाकडून सांगण्यात आले. मात्र, त्रिविक्रम मंदिराकडे जाणारी पायवाट, कर्पूरबावडीकडे जाणारी पायवाट, रामटेक शहरात प्रवेश करण्यासाठीच्या सहा भव्य प्रवेशद्वाराचे काम रखडले आहे. या कामांना सुरुवात झाली होती. मात्र, वनविभाग आणि पुरातत्त्व खात्याच्या नियमांत बसत नसल्याने ही कामे होऊ शकली नाहीत, असे पीडब्ल्यूडीच्या वरिष्ठ अधिकाऱ्यांनी सांगितले.
Anjali Damania: मला त्यांच्याकडून धमकीचे ६०० कॉल; देशमुख हत्या प्रकरणावरुन अंजली दमानियांचा गौप्यस्फोट
२११ कोटींचा दुसरा आराखडादुसऱ्या टप्प्यातील आराखड्यालाही मान्यता देण्यात आली आहे. यात २११ कोटी रुपयांना अर्थसंकल्पात मंजुरी दिली. रामटेक शहराचे सौंदर्याकरण, गडमंदिर येथे आकर्षक विद्युत व्यवस्था, दुकानगाळे, अंबाळा येथे दुकानगाळे, विद्युत व्यवस्था, नारायण टेकडीचा विकास, कालिदास स्मारकाचा विकास, राखी तलाव विकास, रामटेक शहराला सुंदर बनविण्यासाठी रामटेकचा चेहरा मोहरा बदलण्यासाठी रामटेकच्या विकासाचे नियोजन आखण्यात आले. तीर्थक्षेत्र विकास आराखड्यानुसार पर्यटक व्यवस्था, रोजगार वाढीसाठी आवश्यक असलेल्या उपाययोजना झालेल्या नसल्याने अपेक्षित असलेला व्यवसाय वाढला नाही आणि त्याद्वारे संपणारी बेरोजगारी दूर झालेली नाही, अशी खंत व्यक्त होऊ लागली आहे.