पुण्याच्या पालकमंत्रिपदावरून महायुतीत संघर्ष सुरु असतानाच राष्ट्रवादीच्या कार्यकर्त्यांनी अजित पवारांना पालकमंत्रिपदाच्या शुभेच्छा दिल्या आहेत. पुण्यातील मार्केट यार्ड परिसरात ‘उपमुख्यमंत्री अजित पवार यांची पुणे जिल्ह्याचे पालकमंत्रिपदी निवड झाल्याबद्दल हार्दिक शुभेच्छा’ अशा आशयाचे बॅनर लावले आहेत. पुण्याच्या पालकमंत्रिपदासाठी भाजपाकडूनही दावा केला जात असताना असे बॅनर अजित पवारांच्या कार्यकर्त्यांकडून लावण्यात आली आहेत.
Uddhav Thackeray : भाजपमध्ये का चालले? ‘मातोश्री’वर हायव्होल्टेज बैठक, दोन तासात ठाकरेंनी निकाल लावला, तिघांना पक्षातून काढादुसरीकडे बीड जिल्ह्याच्या पालकमंत्रिपदी अजित पवार यांची नियुक्ती केली जाणार असल्याचीही चर्चा आहे. बीड जिल्ह्याच्या पालकमंत्रिपदासाठी हालचाली सुरू असतानाच आता पुण्यात लागलेल्या या बॅनरमुळे संभ्रम निर्माण झालाय. पुणे जिल्ह्याचे पालकमंत्रिपद राष्ट्रवादी सोडण्यासाठी तयार नाही तर भाजप कार्यकर्त्यांनी देखील चंद्रकांत पाटील यांना पालकमंत्री करावे, अशी मागणी केली आहे. एकीकडे पुण्याच्या पालकमंत्रिपदावरून महायुतीत वाद सुरू आहे.

बीडच्या पालकमंत्रिपदी अजित दादांचे नाव आणि पुण्यात लागलेल्या या बॅनरमुळे राज्यात पालकमंत्री निवडीपूर्वी महायुतीत नवा संघर्ष उभा राहिला आहे. सरपंच संतोष देशमुख हत्या प्रकरणानंतर धनंजय मुंडे यांच्याऐवजी अजित पवार यांनी बीडचे पालकमंत्रिपद स्वीकारावे, अशी मागणी केली जात आहे. आता अजित पवार बीडचे पालकमंत्रिपद स्वीकारणार हा हे पाहण्यासारखे ठरणार आहे. धनंजय मुंडे बीडचे पालकमंत्री झाले तर संतोष देशमुख हत्या प्रकरणात तपास योग्य दिशेने होणार नसल्याचा आरोप करण्यात आला. अमोल मिटकरी यांनीही थेट अजित पवार यांनी बीडचे पालकमंत्रिपद स्वीकारावे असे म्हटले होते.