मराठी तरुणाने फळ विक्रेत्याला मराठीत बोलण्यास सांगितले त्यावरुन वाद झाला. मला मराठी येत नाही, मी हिंदीत बोलणार, असं फळ विक्रेता बोलताच मराठी तरुण “महाराष्ट्रात रहायचे असेल तर मराठी आलेच पाहिजे, मी मुंब्रा बंद करुन टाकेन”असं बोलू लागला. यामुळे इतर फळ विक्रेते आणि स्थानिक रहिवाशी यांनी येऊन मराठी तरुणाला घेरले.

मुंब्य्रात मराठी हिंदी वाद का करतो, मुंब्रा शांत आहे शांत राहू दे असं येथील स्थानिक बोलू लागले. ही घटना मोबाईल कॅमेऱ्यात कैद झाली. मुंब्रा येथील मराठी हिंदी भाषिक वादातील मराठी तरुणाने मनसे नेते अविनाश जाधव यांची भेट घेतली आहे.
Nandkumar Ghodele : उद्धव ठाकरेंना विश्वासू सहकाऱ्याचा झटका, माजी महापौर शिवबंधन सोडणार, नवा पक्षही ठरला

अविनाश जाधव यांची प्रतिक्रिया

माझा परिवार भयभीत झाले आहे, मुंब्य्रामध्ये जाण्याची भीती वाटतेय, तेथील लोकांनी धमक्या दिल्यात त्यामुळे मी अविनाश जाधव यांची भेट घेतली असल्याचे या मराठी तरुणाने सांगितले. मुंब्य्रात जर कोणी ‘आरे’ केले, तर यापुढे आम्ही त्याला ‘कारे’ करू, मराठी भाषा संदर्भात कोणी काही बोललं तर घरात घुसून मारू, कायदा सुव्यवस्था हे पोलिसांनी पहावे अशी प्रतिक्रिया मनसे नेते अविनाश जाधव यांनी दिली आहे.
Uddhav Thackeray : भाजपमध्ये का चालले? ‘मातोश्री’वर हायव्होल्टेज बैठक, दोन तासात ठाकरेंनी निकाल लावला, तिघांना पक्षातून काढा

तरुणाचा दावा काय?

संबंधित मराठी भाषिक तरुणाने व्हिडिओमध्ये केलेल्या दाव्यानुसार, मुंब्रा शहरातील एका विक्रेत्याला त्याने फळाची किंमत विचारली. त्याने ती सांगितली. तरुणाने विक्रेत्याला मराठीत म्हटलं, की दहा रुपये जास्त होत आहेत, पन्नास रुपये घे, त्यांचे दोन मित्रही सोबत जेवायला बसले होते, त्यांनाही मी म्हटलं की पन्नास रुपये घ्या, ते म्हणाले, मला मराठी येत नाही, असं तरुणाने सांगितलं. मराठी येत नाही तर महाराष्ट्रात राहतोच कशाला? असं मी विचारलं, पण मी काही शिव्या दिल्या नाहीत, असा दावा तरुणाने केला आहे.