Nanded News : बांगलादेशी तरुणाने बनावट आधार बनवलं आणि नांदेडमध्ये प्रवेश केला. त्याने खरं नाव यासीन खान बदलून विकास बिस्वास केलं. पोलिसांनी त्याला ताब्यात घेतलं आहे.
‘लाडकी बहीण’मध्ये बांगलादेशी महिलांची घुसखोरी? योजनेवरुन देवकीनंदन ठाकूर यांचे मुख्यमंत्र्यांना आवाहन यासीन खान अन्वर खान उर्फ सुमन विकास बिस्वास हा मूळ बांगलादेश डीव्हीजन ढाका जिल्हा गोपालगंज येथील गोपीनाथपुर येथील रहिवासी आहे. सुरुवातीला तो कोलकत्ता येथे आला, त्यानंतर त्याने एजंटच्या मदतीने बनावट आधार कार्ड काढून घेतलं. कोलकत्ताहून हैदराबाद आणि हैदराबादहून तो नांदेडला आला होता. मागील अनेक महिन्यांपासून तो कौठा येथील नवीन न्यायालयाच्या इमारत बांधकाम ठिकाणी राहत होता. कौठा येथे न्यायालयाच्या नूतन इमारतीचं बांधकाम सुरू आहे. या ठिकाणी तो न्यायालय इमारतीचं काम देखील करत होता. विशेष म्हणजे आपली ओळख लपवण्यासाठी यासिन खान याने नाव बदलून ते सुमन विकास बिस्वास असं नाव ठेवलं होतं.
बनावट आधार कार्ड बनवलेलं, एमआयडीसीत कामाला; तीन बांगलादेशी घुसखोरांना अटक; सोलापुरात खळबळ बांगलादेशच्या तरुणाने घुसखोरी केल्याची माहिती दहशतवाद विरोधी पथकाचे नांदेड युनिटचे पोलिस निरीक्षक दत्ता केंद्रे यांना मिळाली. या माहितीवरून दहशतवाद विरोधी पथक आणि नांदेड ग्रामीण ठाण्याचे पोलीस निरिक्षक ओमकांत चिंचोलकर यांच्या मार्गदर्शनाखाली पोलिसांनी न्यायालयाच्या परिसरात जाऊन यासीन खान अन्वर खान उर्फ सुमन विकास बिस्वास याला ताब्यात घेतलं. यावेळी अधिक चौकशी केली असता त्याच्याकडे भारतात येण्यासाठी आवश्यक असणारे वैद्य प्रवासी कागदपत्रं नसल्याचं आढळून आलं. चौकशी दरम्यान त्याने बांगलादेशी नागरिक असल्याची कबुली देत रोजगारासाठी घुसखोरीच्या अवैध मार्गाने भारतात प्रवेश करून कौठा येथील न्यायालय इमारतीच्या बांधकाम ठिकाणी राहत असल्याचं सांगितलं.
बांगलादेशी तरुण यासीन खानचा सुमन बिस्वास बनला, आधार कार्ड बदललं आणि… नांदेडमध्ये पोलिसांनी मुसक्या आवळल्या, प्रकरण काय?
दरम्यान, या प्रकरणी पोलीस उपनिरिक्षक महेश गायकवाड यांनी दिलेल्या फिर्यादीवरुन नांदेड ग्रामीण पोलिसांनी आरोपीविरूद्ध परकीय नागरीक आदेश १९४८ परिच्छेद ३ (१) विदेशी व्यक्ती अधिनियम १९४६ कायदा प्रमाणे गुन्हा दाखल केला आहे. पुढील तपास रोडे हे करत आहेत. दरम्यान बांगलादेशी तरुणाला न्यायालयात हजर केलं असता त्याला दहा दिवसाची पोलीस कोठडी सुनावली आहे. या प्रकरणी पोलीस अधिक तपास करत आहे.
लेखकाबद्दलकरिश्मा भुर्केमहाराष्ट्र टाइम्स ऑनलाइनमध्ये डिजिटल कंटेंट प्रोड्युसर म्हणून कार्यरत. सामना, झी २४ तास, न्यूज १८ लोकमतसह ४ वर्ष पत्रकारिता क्षेत्रातील अनुभव. सामाजिक, मनोरंजन विश्लेषणात्मक लेखनाची आवड.… आणखी वाचा