मिळालेल्या माहितीनुसार, मूल शहरामध्ये रितिक अनिल शेंडे (२८) हा तरुण शहरातील नगरपरिषद जवळ असलेल्या बस स्थानकाचा बाजूला दुचाकी उभी ठेऊन मोबाईलवर बोलत होता. त्याच दरम्यान तिघांनी रितिक याच्यावर चाकूने हल्ला केला. रितिकच्या छाती आणि कमरेवर सपासप वार केले. यानंतर रितिक रक्ताच्या थारोळ्यात खाली कोसळला. त्यानंतर हल्ला करणारे घटनास्थळावरून फरार झाले.
स्वत:च्याच मृत्यूचा बनाव रचला, क्राईम पेट्रोल पाहून डॉक्टरने मित्राला जिवंत जाळलं; कारण हैराण करणारं
हल्लेखोर गेल्यानंतर स्थानिकांनी जखमी अवस्थेत रितिक शेंडे याला उपजिल्हा रुग्णालयात उपचारासाठी दाखल करण्यात आलं. मात्र डॉक्टरांनी उपचारादरम्यान त्याला मृत घोषित केलं. या हत्ये प्रकरणात मूल पोलिसांनी तिघांना ताब्यात घेतलं आहे. या प्रकरणाचा पुढील तपास मूल पोलीस करत आहे.
Raigad News : आनंदाचा क्षण दु:खात बुडाला, पुण्यातील शिक्षकासोबत काशीद समुद्रावर अनर्थ घडला

भररस्त्यात हत्येचा थरार

माणसांची वर्दळ असलेल्या नगरपरिषद परिसरात ही घटना घडली. हा परिसर गजबजेला असतो. आरोपी मृत रितिकच्या शरीरावर चाकूने हल्ला करत असताना काही नागरिक गोळा झाले होते. कुणी पुढे आलात, तर तुमचाही मुडदा पाडू अशी थेट धमकी आरोपीनी दिली, अशी माहिती उपस्थितांनी दिली. त्यामुळे कोणीही पुढे आलं नाही. हा हत्येचा थरार भररस्त्यात उभं राहून अनेकांनी बघितला. मात्र रितिकची हत्या का करण्यात आली, त्या हत्येमागचं नेमकं करण अद्याप कळू शकलं नाही.

तीन महिन्यांपूर्वीही झालेली तरुणाची हत्या

दरम्यान, मूल शहरात तीन महिन्यांपूर्वी एका तरुणाची हत्या झाली होती. या हत्येच्या निषेधार्थ मूल शहरवासियांनी बंद पाळून आरोपींना अटक करण्याची मागणी केली. त्या हत्येतील आरोपीना पोलिसांनी अटक केली. या घटनेचा अद्याप शहरवाशियांना विसर पडला नसताना शनिवारी पुन्हा झालेल्या हत्येने शहर हादरलं आहे. आज पुन्हा मूल शहरातील बाजारपेठ बंद करत हत्येचा निषेध करण्यात आला. यात शहरवसियांनी मोठा सहभाग घेतला होता.