अकोला ते बाळापूर दरम्यान असलेल्या भिकूंड नदीच्या पुलाजवळ हा अपघात झाला. येथे एक खासगी बस थेट नदीपात्रात कोसळली. याप्रकरणी मिळालेल्या माहितीनुसार गुरुवारी संध्याकाळी साडेसा त वाजताच्या सुमारास वाशिम येथील श्री मुर्डेश्वर कंपनीची एम एच ३७ बी ४९९९ ही खासगी बस भुसावळ येथून खामगाव मार्गे वाशिमकडे जात होती. ही बस पारस फाट्यावरून बाळापूरच्या दिशेने जात असताना उतारावरून थेट भिकुंड नदीपात्रात उलटली. त्यावेळी या बसमधून ५० प्रवासी प्रवास करत होते. या घटनेत जीवितहानी नसली तरी एका चिमुकलीसह सात प्रवाशी जखमी झाले आहेत.
घटनास्थळी शिवसेना ठाकरे गटाचे आमदार नितीन देशमुख यांनी भेट दिली आणि जखमींची विचारपूस करण्यात आली.