विधानसभेतील गुरुवारच्या सत्रात बोलताना मुख्यमंत्री देवेंद्र फडणीस यांनी लाडकी बहीण योजनेबाबत महत्त्वाची माहिती दिली आहे. फडणवीस म्हणाले, आमची एकही योजना बंद होणार नाही आहे. लाडकी बहीण योजना सुरूच राहणार आहे. अधिवेशन संपतात सर्व लाडक्या बहिणींना डिसेंबरचे पैसे मिळणार आहेत. तर पुढे फडणवीसांनी अर्जदारांनाही आश्वासित केले आहे. ‘आम्ही जी आश्वासने दिली, ती आम्ही पूर्ण करणार आहोत. याबद्दल कुणीही शंका ठेऊ नये. योजनेच्या कोणत्याही निकषात बदल करण्यात आलेले नाहीत. ज्यांनी अर्ज केला त्या सर्वांना पैसे देणार आहोत.’ असेही फडणवीसांनी नमूद केले.
Ladki Bahin Yojana: लाडक्या बहिणींसाठी महत्त्वाची अपडेट, …तरच सरकारकडून मिळेल ओवाळणी, नाहीतर पैसे मिळणं कठीण

लाडक्या बहिणींना २१०० मिळणार की १५००?

महायुतील निवडणुकीच्या जाहीनाम्यात बहिणींना २१०० देण्याचं आश्वासन दिलं होतं. तर आता लाडक्या बहिणींचा पुढील हफ्ता २१०० चा असेल की १५०० चा याकडे बहिणींचे लक्ष लागले आहे. यावर फडणवीस म्हणाले, बहिणींना अर्थसंकल्पानंतर २१०० मिळू शकतील. डिसेंबरच्या हप्त्यामध्ये मात्र आधीप्रमाणेच १५०० रुपये मिळणार आहेत.

लाडकी बहीण योजनेचे निकष काय?

प्रामु्ख्याने आर्थिक निकषावर ही योजना सुरु करण्यात आली आहे. गरीब महिलांना आर्थिक आधार देण्यासाठी या योजनेची घोषणा करण्यात आली आहे. ज्या कुटुंबांचं वार्षिक उत्पन्न अडीच लाखांपेक्षा कमी आहे, अशा महिलांना या योजनेचा लाभ मिळणार आहे. तर २१ ते ६५ वयोगटातील महिलांना या योजनेचा लाभ घेता येणार आहे. निकषात बसणाऱ्या प्रत्येक अर्जदार महिलेला या योजनेचा लाभ मिळत आहे. या योजनेंतर्गत महिलांच्या खात्यात आतापर्यंत दर महिन्याला १५०० प्रमाणे पाच हफ्ते जमा झाले आहेत.