राजू पाटील ‘सागर’ बंगल्यावर

राज ठाकरे यांच्या नेतृत्वातील महाराष्ट्र नवनिर्माण सेनेचे नेते आणि कल्याण ग्रामीण विधानसभा मतदारसंघाचे माजी आमदार राजू पाटील हे मुख्यमंत्री देवेंद्र फडणवीस यांची भेट घेण्यासाठी ‘सागर’ बंगल्यावर दाखल झाले. राजू पाटील आपल्या मुलाच्या लग्नाचं आमंत्रण करण्यासाठी गेल्याची माहिती आहे.

भाजप-मनसे नेते व्याही-व्याही

राजू पाटील यांचे पुत्र आदित्य पाटील आणि भिवंडीचे भाजपचे माजी आमदार योगेश पाटील यांची कन्या सिद्धी पाटील यांचा साखरपुडा जानेवारी महिन्यात झाला होता. त्यामुळे भाजप आणि मनसेचे माजी आमदार एकमेकांचे व्याही झाले आहेत. साखरपुड्याला तत्कालीन मुख्यमंत्री एकनाथ शिंदे, मनसे अध्यक्ष राज ठाकरे, खासदार श्रीकांत शिंदे यांनी हजेरी लावली होती.

मनसेने भोपळाही फोडला नाही

राजू पाटील हे गेल्या विधानसभेत महाराष्ट्र नवनिर्माण सेनेच्या तिकिटावर निवडून आलेले एकमेव मनसे आमदार होते. मात्र नुकत्याच झालेल्या विधानसभा निवडणुकीत त्यांना पराभवाचा धक्का बसला. अमित ठाकरेंसह मनसेच्या सर्वच शिलेदारांचा पराभव झाला. हा राज ठाकरे यांच्यासाठी मोठा धक्का होता. त्यानंतरही मनसेच्या नेत्यांनी अध्यक्ष राज ठाकरे यांच्याकडे महायुतीत सहभागी होण्याचा आग्रह धरला आहे.
Cabinet Expansion : बावनकुळेंना महसूल खातं, भाजप प्रदेशाध्यक्षपदी माजी मंत्री; शिवसेनेतही तिघे मंत्रिपदाला मुकणार

लोकसभेला बिनशर्त पाठिंबा, विधानसभेला स्वबळावर

खरं तर लोकसभा निवडणुकीत मनसेने महायुतीला बाहेरुन बिनशर्थ पाठिंबा दिला होता. राज ठाकरेंनी शिवसेना-भाजपच्या काही उमेदवारांसाठी प्रचारसभा घेतल्या. तिथले उमेदवार विजयीही झाले. त्यानंतर मनसे महायुतीत सहभागी होण्याच्या चर्चांना जोर मिळाला. अगदी मनसेच्या साथीने भाजपचा मुख्यमंत्री होईल, असं वक्तव्यही राज ठाकरेंनी केलं. मात्र ऐन विधानसभा निवडणुकीत मनसेने स्वबळाचा नारा देत शंभरहून अधिक उमेदवार उतरवले.

Devendra Fadnavis : हॅलो, अभिनंदन! उद्या मंत्रिपदाची शपथ घ्यायचीये, खुद्द फडणवीस फोन फिरवणार, स्पेशल २२ कोण?

राज ठाकरे-फडणवीस यांचे मैत्र

मनसेचे काही आमदार निवडून आले असते, तर भाजपने केवळ मनसेच्या पाठिंब्याने सरकार स्थापन केले असते, अशी चर्चाही राजकीय वर्तुळात सुरु होती. मात्र विधानसभा निवडणुकीच्या निकालानंतर चित्र बदललं. मात्र राज ठाकरे यांनी देवेंद्र फडणवीस यांना शुभेच्छा देत सहकार्याची भावना बोलून दाखवली आहे.