Nandurbar Sarangkheda Jatra News: देशात प्रथम क्रमांकाचा घोडेबाजार हा राजस्थान येथील पुष्कर येथे भरतो. तेथून पंढरपूर व त्यानंतर घोडेबाजारासाठी दुसरा क्रमांक सारंगखेड्याचा लागतो. नंदुरबार जिल्ह्यातील शहादा तालुका मधील सारंगखेडा येथे एक मुखी दत्ताचे मंदिर आहे.
हायलाइट्स:
- इम्पोर्टेड कारच्या जमान्यात घोड्याचं वेड
- साडेतीनशे वर्षांची परंपरा
- सारंगखेडा येथील घोडेबाजाराच्या जत्रेला सुरुवात
Santosh Deshmukh Murder: Ego हर्ट, सरपंच संतोष देशमुख हत्या प्रकरण A to Z, त्या स्टेटसमुळे हालहाल करून मारलं? थरकाप उडणारे हत्याकांड
यंदा पंजाब, हरियाणा, उत्तर प्रदेश, मध्य प्रदेश, तामिळनाडू, आंध्र प्रदेश आदी राज्यातून घोडे विक्रेते दाखल झाले आहेत. या यात्रेत 50 हजारापासून ते पाच कोटी पर्यंतचे घोडे विक्रीसाठी आलेले असतात. भारतात पुष्कर नंतर सारंगखेडा येथील घोड्यांचा बाजार प्रसिद्ध आहे. यात घोडे शौकीन या बाजारात पंजाब, मारवाड, काठियावाड, सिंध, गावठी अशा नस्लीचे अस्सल जातिवंत घोडा निरखून, पारखून घेतला जातो.
सारंगखेडा येथील घोडा बाजारात सिने सृष्टीतील कलावंत, विविध नेते यांच्यासह देशातील विविध भागातून अश्वप्रेमी या ठिकाणी दाखल होत असतात व घोड्यांची खरेदी करीत असतात. पूर्वीच्या काळात दळण वळणासाठी घोड्यांचा वापर होत असे. त्यानंतर दळणवळणाची साधने बदलली. आताच्या मर्सिडीजच्या जमान्यात या यात्रेत घोड्यांचे वेड नक्कीच लागते.
विविध स्पर्धांचे आयोजन
सारंगखेडा येथील यात्रेत १८ डिसेंबर पासून चेतक फेस्टिवलतर्फे घोड्यांच्या विविध स्पर्धा आयोजित करण्यात आल्या आहेत. त्यासोबत देशातील सर्वात उंच घोडा, महागड्या घोड्यांचेही आगमन होणार आहे. आज सुमारे एक लाखाच्या वर भाविकांनी दर्शनाचा लाभ घेतला.
लेखकाबद्दलप्रशांत पाटीलप्रशांत पाटील यांना डिजिटल पत्रकारिता क्षेत्रात ३ वर्षांचा अनुभव आहे. ते ‘महाराष्ट्र टाइम्स ऑनलाइन’मध्ये कंटेंट प्रोड्यूसर म्हणून कार्यरत आहेत. याआधी थोडक्यात, आधान न्यूज वेबपोर्टलमध्ये डेस्कवर काम केलंय. महाराष्ट्रातील घडामोडी बघतात…. आणखी वाचा