राज्यातील दीड कोटीपेक्षा अधिक जनतेला दरमहा पाच किलो मोफत धान्याचे वितरण केले जाते. डिसेंबर महिन्यात वितरण करण्यात येणारे हे धान्य रेशन दुकानदारांनी २५ नोव्हेंबर पूर्वीच आपल्या गोदामामध्ये आणून ठेवले. एक डिसेंबरपासून त्याचे वितरण सुरू करण्यात आले. दुकानदारांना पूर्वीचे मशिन बदलून नवीन देण्यात आले आहेत; पण त्या दिवसापासून ‘ई पॉस’ मशिनमध्ये तांत्रिक बिघाड निर्माण झाला आहे. अनेक मशिन बंद पडली आहेत. मशिनमधील बिघाडामुळे धान्याचे वितरणच कोलमडले आहे. दुकानात धान्य आहे, ते घेऊन जाण्यासाठी ग्राहकांच्या बाहेर रांगा दिसतात; पण, मशिन बंद असल्याने धान्यच देता येत नाही. यामुळे ग्राहक आणि दुकानदार यांच्यात वादावादी होत आहे.
Shirdi BJP Conference: स्थानिक स्वराज्य संस्थांसाठी मोर्चेबांधणी; भाजपचे १२ जानेवारीला शिर्डीत प्रदेश अधिवेशन
सध्या तेरा दिवसांपासून ही मशिन बंद आहेत. शुक्रवारी ते सुरू होण्याची शक्यता नाही. त्यानंतर दोन दिवस सरकारी सुट्टी आहे. म्हणजे पंधरा तारखेपर्यंत ही वितरण व्यवस्था बंद राहण्याचीच चिन्हे आहेत. त्यानंतर पंधरा दिवसांत धान्य वितरण कसे करायचे असा प्रश्न दुकानदारांना पडला आहे. सोमवारनंतर तरी मशिनमधील तांत्रिक बिघाड दुरुस्त होणार का याबाबत दुकानदारांमध्येच संभ्रमावस्था आहे.
महाराष्ट्र होणार फिनटेक राजधानी; जागतिक हिंदू आर्थिक मंचच्या परिषदेत मुख्यमंत्री फडणवीस यांचा विश्वास
याबाबत रेशन धान्य दुकानदार महासंघाचे जिल्हाध्यक्ष डॉ. रवींद्र मोरे यांनी सांगितले की, पॉस मशिनच्या सर्व्हरमध्ये तांत्रिक बिघाड आहे. तो लवकर दुरुस्त करावा यासाठी आमचा पाठपुरावा सुरू आहे; पण संबंधित प्रशासकीय यंत्रणा लक्ष देत नसल्याने तेरा दिवसांपासून धान्य वितरण ठप्प झाले आहे.