नागपूरमध्ये थंडीचा प्रभाव आता स्पष्टपणे दिसून येत आहे. वाऱ्यांचा प्रभाव असा आहे की, शहरातील तापमान १० अंशांच्या खाली गेलं आहे. गुरुवारी, किमान तापमान ९.८ अंश सेल्सिअस नोंदवलं गेले. त्यामुळे, नागपूर सध्या संपूर्ण महाराष्ट्रातील सर्वात थंड शहर ठरलं आहे. या थंडीत सूर्य उगवल्यानंतरही लोकांना घराबाहेर पडणं कठीण होऊन गेलं आहे. लोक दिवसाही गरम कपडे घालून बाहेर पडत आहेत, हे याचे प्रमाण आहे.
पेनाच टोपण तोंडात गेलं, शिक्षकांनी पाहिलं पण काही कळायच्या आत नको ते घडलं; पालकांनो मुलांकडे लक्ष द्या
हवामान खात्याने दिलेल्या अंदाजानुसार, पुढील काही दिवस नागपूर आणि आसपासच्या जिल्ह्यात थंडीचा असा प्रभाव कायम राहणार आहे. या काळात, विदर्भातील बाकीच्या जिल्ह्यांमध्ये किमान तापमानात काही प्रमाणात वाढ दिसून आली असली तरी, नागपूरमध्ये तापमानात काहीशी घट झाली आहे. विशेषत: नागपूर शहरातील तापमान सरासरीपेक्षा सुमारे ३ अंशांनी कमी नोंदवलं जात आहे.
चेहऱ्यावर लावण्याचं ७९ रुपयांचं क्रिम गोरं करू शकलं नाही, आता कंपनीने ग्राहकाला दिले १५ लाख
कडाक्याच्या झोंबणाऱ्या थंडीचा परिणाम नागरिकांच्या दैनंदिन जीवनावर पडू लागला आहे. सकाळी आणि संध्याकाळी शालेय विद्यार्थी आणि कामगार गरम कपडे घालून घरातून बाहेर पडत आहेत. याशिवाय, दिवसभरातही नागरिकांना गरम कपडे घालूनच बाहेर पडावं लागत आहे. यामुळे दुकानं, शाळा, ऑफिस आणि इतर ठिकाणी थंडीमुळे सामान्य जनजीवन थोडं कठीण झालं आहे. नागपूर आणि आसपासच्या जिल्ह्यात थंडीचा प्रभाव दिवसेंदिवस वाढत जाऊन, हिवाळ्याचं अस्सल रूप दिसणार आहे नक्की.
सतत पोटाचा त्रास, सोनोग्राफीत दिसली भयंकर गोष्ट! डॉक्टरांनी महिलेच्या पोटातून काढला १५ किलोचा गोळा

दरम्यान, संपूर्ण महाराष्ट्रातच थंडी वाढू लागली आहे. मुंबईतही थंडीचा कडाका वाढला असून २२ ते २४ अंश सेल्सिअसपर्यंत तापमानाचा पारा घसरला आहे. मुंबई उपनगरातही रात्रीच्या वेळी तापमान १६ ते १८ अंशापर्यंत पोहोचलं आहे.