ज्या कंपनीच्या गोळ्या, ती कंपनीच अस्तित्वात नाही

राज्यातील शासकीय रुग्णालयात कंत्राटदाराकडून औषधांचा पुरवठा केला. नांदेडच्या शासकीय रुग्णालयात न्यूक्लॉस ६२५ या गोळ्यांच्या पुरवठा गत वर्षी करण्यात आला होता. न्यूक्लॉस ६२५ ही अँटिबायोटिक गोळी आहे. केरळ राज्यातील मेलवॉन कंपनीचं हे उत्पादन आहे, मात्र कंपनी अस्तित्वात नसल्याचा संशय आल्यानंतर गोळ्यांची चौकशी करण्यात आली. चौकशी दरम्यान ही गोळी अप्रमाणित असल्याचं अहवालातून समोर आलं.
महाराष्ट्रातील सर्वात थंड शहर, सूर्य उगवल्यानंतरही घराबाहेर पडणं कठीण; कडाक्याची थंडी कोणत्या जिल्ह्यात?
दरम्यान जिल्हा रुग्णालयाकडून माहिती मिळाल्यानंतर अन्न आणि औषध प्रशासनाने १ लाख २३ हजार गोळ्यांचा साठा जप्त केला. मात्र अन्न आणि औषध प्रशासनाकडून अद्याप कुठलीच कारवाई करण्यात आली नाही.
CM देवेंद्र फडणवीसांचं मोठं विधान; २०२२ मध्ये मी मुख्यमंत्री झालो असतो, तर कदाचित…

रुग्णांच्या आरोग्याशी खेळ

धक्कादायक म्हणजे यापूर्वी देखील नांदेडच्या शासकीय रुग्णालयात बिफोसिव्ही ६२५ या गोळ्यांचा पुरवठा करण्यात आला होता. या गोळ्या देखील बनावट असल्याचा प्रकार उघडकीस आला. ऑगस्ट २०२४ मध्ये अन्न आणि औषध प्रशासनाच्यावतीने वजीराबाद पोलीस ठाण्यात गुन्हा दाखल करण्यात आला. दोन्ही बनावटी गोळ्या वापरात आले नसले तरी रुग्णांच्या आरोग्याशी खेळण्याचा प्रकार नांदेडमध्ये घडला आहे. राज्यातील अनेक जिल्ह्यात ही अशाच प्रकारे बनावट औषधांचा पुरवठा झाल्याचा संशय व्यक्त केला जातं आहे.
चेहऱ्यावर लावण्याचं ७९ रुपयांचं क्रिम गोरं करू शकलं नाही, आता कंपनीने ग्राहकाला दिले १५ लाख

न्यूक्लॉस ६२५ गोळ्यामुळे जीवितास धोका नाही, पण…

नांदेडच्या शासकीय रुग्णालयात देखील बनावट औषधांचा साठा उघड झाला आहे. रुग्णालयाला पुरवठा करण्यात आलेलं औषध हे शासनमान्य लॅबमध्ये ऑक्टोबर २०२३ रोजी तपासणीसाठी पाठवलं होतं. या तपासणी अहवालात सदरील गोळीमध्ये योग्य प्रमाणात औषधी नसल्याचा अहवाल प्राप्त झाला. त्यानंतर रुग्णालय प्रशासनाने या औषधाच्या १ लाख २३ हजार गोळ्या अन्न आणि औषधी प्रशासनाकडे पुढील कारवाईसाठी सुपूर्द केल्या आहेत. गोळीमध्ये योग्य प्रमाणात औषधी नसल्याने अशा औषधांचे सेवन केल्यावर याचे सकारात्मक परिणाम दिसून येत नाहीत, पण रुग्णाच्या जीवितास धोका होत नसल्याचं जिल्हा शल्यचिकित्सक डॉ. निळकंठ भोसीकर यांनी सांगितले

बीडमध्ये चार जणांविरोधात गुन्हा दाखल

बीड जिल्ह्यातील अंबाजोगाईच्या स्वाराती रुग्णालयात बनावट औषधांचा पुरवठा करण्यात आल्याचा प्रकार उघडकीस आला आहे. बनावट गोळ्यांचा साठा जप्त देखील करण्यात आला आहे. या प्रकरणी चार जणांविरोधात गुन्हा दाखल करण्यात आल्याची माहिती आहे.