प्रा. शिंदे यांनी यापूर्वी सलग दोन वेळा कर्जत-जामखेड मतदारसंघातून प्रतिनिधीत्व केले. २०१९ मध्ये मात्र त्यांचा पराभव झाला. त्यानंतर पक्षाने त्यांना विधान परिषदेवर संधी दिली. २०२४ मध्ये राष्ट्रवादीचे आमदार रोहित पवार यांनी दुसऱ्यांचा शिंदे यांचा पराभव केला. मात्र, यावेळी आमदार पवार यांचे मताधिक्य कमालीचे घटले. शिंदे यांचा निसटता पराभव झाला.
Cabinet Expansion: महायुतीत खातेवाटपाचा तिढा, सोडवण्यासाठी ‘जुना’ फॉर्म्युला; शिंदेंना आवडतं खातं मिळणार, पण…
पराभव झाल्यानंतरही आमदार शिंदे यांचे नाव तीन पदांसाठी चर्चेत आहेत. भाजपकडून त्यांना लवकरच मोठी जबाबदारी दिली जाणार असल्याचे सांगण्यात येते. विधान परिषदेचे सभापती, भाजपचे प्रदेशाध्यक्ष किंवा मंत्री या पदासांठी शिंदे यांचे नाव चर्चेत आहे. शिंदे मुख्यमंत्री फडणवीस यांचे विश्वासू मानले जातात. २०१४ मध्ये शिंदे सुरवातील राज्यमंत्री होते. तेव्हा फडणवीस यांच्याकडे असलेल्या खात्यांचाच राज्यमंत्री म्हणून पदभार शिंदे यांच्याकडे होता. नगरला शिंदे यांनी सुरू केलेल्या संपर्क कार्यालयाचे उद्घाटन करताना फडणवीस यांनी त्याचा मिनी सीएमओ असा उल्लेख केला होता. पुढे शिंदे यांना बढती देऊन कँबिनेट मंत्री करण्यात आले. फडणवीस यांची महत्वाकांशी जलयुक्त शिवार योजना त्यांच्याकडेच सोपविण्यात आली होती.

यावेळी विधानसभा निवडणुकीत पराभव झाला असला तरी शिंद यांना पुन्हा महत्वाचे स्थान मिळणार असल्याचे सांगण्यात येते. विधान परिषदेचे सभापती म्हणून त्यांचे नाव आघाडीवर आहे. मात्र, या पदावर शिंदे गटाने दावा केला. त्यामुळे ही निवडणूकच लांबवणीवर पडली. यासोबतच मंत्रीपद आणि भाजपचे प्रदेशाध्यक्षपद या पदांसाठीही शिंदे यांच्या नावाची चर्चा आहे. पराभवानंतरही एक नव्हे तर तीन तीन पदांसाठीचे प्रबळ दावेदार असलेले शिंदे भाजपमधील पहिलेच असावेत.