Baramati News: बारामतीतील शिवनगर माळेगाव येथे एकावर चौघांनी धारधार शस्त्राने हल्ला केल्याची घटना समोर आली आहे. या प्रकरणी पोलिसांनी चौघांना अटक केली आहे. तर जखमीवर खाजगी रुग्णालयात उपचार सुरू आहेत.
दरम्यान हल्ल्याची घटना सीसीटीव्ही कॅमेरात टिपली गेली आहे. या घटनेमुळे संपूर्ण परिसरात एकच खळबळ उडाली असून कोयता गँगचे लोण ग्रामीण भागात येऊ पहात आहे. याप्रकरणी पोलिसांनी चेतन बाळु जाधव मयुर रणजित जाधव, विजय बाळासो कुचेकर सर्व (रा.माळेगांव ता.बारामती) दिनेश आडके (रा.शिरवली ता.बारामती) यांच्या विरोधात प्रकाश दिंगबर भापकर (रा.अजिंक्यनगर माळेगांव बु ता.बारामती) यांनी दिलेल्या फिर्यादीवरुन गुन्हा दाखल केला आहे.
फिर्यादी हे शिवनगर येथील एका फायनान्स कंपनीच्या ऑफिसमध्ये बसले असताना वरील चार आरोपींनी फिर्यादीला लोखंडी धारदार शस्त्राने डोक्यावर, दोन्ही हातांच्या पुष्ठभागावर वार करुन जखमी केले. तसेच ही भांडणे सोडवण्यासाठी आलेल्या फिर्यादीचा मित्र दादासो माने यास विजय कुचेकर याने ग्लास फेकून मारल्याने तो जखमी झाला आहे.
म्हणून जखमी वाजला…
सदर आरोपी फिर्यादीला मारत असताना आरडा ओरडा ऐकून ग्रामस्थ गोळा झाले. आरोपींनी फिर्यादीस जबरी मारहाण करत होते. या भांडणात त्याचा जीव गेला असता. खाली माणसे आली आहेत म्हणून तुला आता सोडतो. मात्र तुला पुन्हा जिवंत सोडणार नाही, असे म्हणत शिवीगाळ करून आरोपी फरार झाले. घटनास्थळी रक्तांचा सडा पडला होता. काही जणांनी जखमीला तातडीने बारामती येथे खाजगी दवाखान्यात उपचारासाठी दाखल केले.
लेखकाबद्दलजयकृष्ण नायरजयकृष्ण नायर, महाराष्ट्र टाइम्समध्ये Senior Digital Content Producer आहेत. महाविद्यालयात युवा सकाळमधून त्यांनी पत्रकारितेची सुरुवात केली. २००९ पासून ते ऑनलाइन पत्रकारीतेत आहेत. प्रहार, स्टार माझा, न्यूज १८ लोकमत अशा वेबसाइटसाठी त्यांनी काम केले आहे. देश, विदेश आणि तंत्रज्ञान यासोबत क्रीडा विषयात त्यांची आवड आहे…. आणखी वाचा