maharashtra CM DCM Political Journey : पाच वर्षांपूर्वी ‘मी पुन्हा येईन’ असा निर्धार करणारे देवेंद्र फडणवीस यांनी ‘मी देवेंद्र सरिता गंगाधरराव फडणवीस…’ अशी सुरुवात करीत पद आणि गोपनीयतेची शपथ घेतली. जाणून घ्या मुख्यमंत्री फडणवीसांसह दोन्ही उपमुख्यमंत्र्यांचा राजकीय प्रवास…
मुंबई : मुंबईतील आझाद मैदानावर भव्य शपथविधी सोहळा पार पडला. राज्याला पुन्हा ‘ट्रिपल इंजिन’ सरकार मिळाले असून महायुतीच्या शपथविधी सोहळ्यात देवेंद्र फडणवीस यांनी मुख्यमंत्रिपदाची, एकनाथ शिंदे आणि अजित पवार यांनी उपमुख्यमंत्रिपदाची शपथ घेतली. पाच वर्षांपूर्वी ‘मी पुन्हा येईन’ असा निर्धार करणारे देवेंद्र फडणवीस यांनी ‘मी देवेंद्र सरिता गंगाधरराव फडणवीस…’ अशी सुरुवात करीत पद आणि गोपनीयतेची शपथ घेतली. जाणून घ्या मुख्यमंत्री फडणवीसांसह दोन्ही उपमुख्यमंत्र्यांचा राजकीय प्रवास…
मुख्यमंत्री देवेंद्र सरिता गंगाधरराव फडणवीस
जन्म : २२ जुलै, १९७०
शिक्षण : एल. एल. बी. (नागपूर विद्यापीठ तृतीय मेरिट), एम. बी. ए., डिप्लोमा इन प्रोजेक्ट मॅनेजमेंट, डी.एस.ई. बर्लिन, जर्मनी येथून उत्तीर्ण. योगदान : कार्यकारी सदस्य, रामभाऊ म्हाळगी प्रबोधिनी उपाध्यक्ष, दी सेंट्रल हिंदू मिलिटरी एज्युकेशन सोसायटी, नाशिक (भोसला मिलिटरी स्कूल), उपाध्यक्ष, राष्ट्रीय अपंग कल्याण संस्था, अध्यक्ष, स्व. आबाजी थत्ते अनुसंधान संस्थानचे नॅशनल कॅन्सर इन्स्टिट्यूट, नागपूर, अखिल भारतीय विद्यार्थी परिषदेचे कार्य, राष्ट्रीय स्वयंसेवक संघाचे स्वयंसेवक.
देवेंद्र फडणवीस राज्याचे ३१वे मुख्यमंत्री! ‘या’ दिग्गजांनी सांभाळली महाराष्ट्राची धुरा
राजकीय कारकीर्द ः १९८९ वॉर्ड अध्यक्ष, भारतीय जनता पक्ष, धरमपेठ वॉर्ड, नागपूर, १९९० प्रसिद्धीप्रमुख, भाजप, नागपूर (पश्चिम), १९९२-९५ अध्यक्ष, भाजप युवा मोर्चा, नागपूर शहर, १९९५-२००४ उपाध्यक्ष, महाराष्ट्र प्रदेश, भारतीय जनता युवा मोर्चा, २००४-२००९, २००९-२०१४ राष्ट्रीय उपाध्यक्ष, भारतीय जनता युवा मोर्चा; २००९ भाजप विदर्भ निवडणूकप्रमुख, २०१० महामंत्री, २०१२-२०१४ प्रदेशाध्यक्ष, महाराष्ट्र प्रदेश भारतीय जनता पक्ष, १९९२ व १९९७ नागपूर महानगर पालिका सदस्य व १९९७मध्ये महापौर, महानगरपालिका, नागपूर, १९९८ मे अरइन कौन्सिल पद्धतीअंतर्गत महाराष्ट्रातील प्रथम महापौर म्हणून निवड.
विधिमंडळ सदस्य : १९९९-२००४, २००४-२००९, २००९-२०१४, २०१४-२०१९, २०१९-२०२४ सदस्य, महाराष्ट्र विधानसभा, सदस्य, विधानमंडळ नियम समिती, सार्वजनिक उपक्रम समिती, विनंती अर्ज समिती, गृहनिर्माण व नगरविकास स्थायी समिती सदस्य, महाराष्ट्र जीवन प्राधिकरण समिती.
सत्तेतील सहभाग : ३१ ऑक्टोबर २०१४ ते २१ नोव्हेंबर, २०१९ महाराष्ट्र राज्याचे मुख्यमंत्री, २२ नोव्हेंबर ते २७ नोव्हेंबर, २०१९ दुसऱ्यांदा मुख्यमंत्री, महाराष्ट्र राज्य, डिसेंबर २०१९ ते जून २०२२ महाराष्ट्र विधानसभेचे विरोधी पक्ष नेते. ३० जून २०२२ रोजी उपमुख्यमंत्रिपदाची शपथ, खाती गृह, विधी व न्याय, जलसंपदा व लाभक्षेत्र विकास, गृहनिर्माण, ऊर्जा. नोव्हेंबर २०२४मध्ये महाराष्ट्र विधानसभेवर फेरनिवड, ५ डिसेंबर २०२४ रोजी मुख्यमंत्रिपदाची शपथ.
मिशन महापालिका निवडणुका! ठाणे-पालघर अन् रायगडमधील स्थानिक स्वराज्य संस्थांसाठी मोर्चेबांधणी सुरु
उपमुख्यमंत्री एकनाथ गंगुबाई संभाजी शिंदे
जन्म : ६ मार्च १९६४
शिक्षण : बीए पक्ष : शिवसेना शाखाप्रमुख ते मुख्यमंत्री
योगदान : १९८६मध्ये महाराष्ट्र-कर्नाटक सीमा प्रश्न आंदोलनात १०० कार्यकत्यांसह सक्रिय सहभाग, ४० दिवस बेल्लारी येथे तुरुंगवास भोगला. संपूर्ण ठाणे शहर व जिल्ह्यात सामाजिक कार्याचे जाळे निर्माण केले; ठाणे शहरात ओपन आर्ट गॅलरी, सचिन तेंडुलकर मिनी स्टेडियम, इंटरनिटी सुविधा भूखंडावर बाळासाहेब ठाकरे यांचे स्मारक, शहीद हेमंत करकरे क्रीडा संकूल, जॉगिंग पार्क, सेंट्रल लायब्ररी सुरू केली. ठाण्याच्या विकासासाठी व आधुनिकीकरणासाठी विशेष योगदान; एमएमआरडी सक्षम बनविण्यात यश, नागपूर – मुंबई समृद्धी महामार्ग, वांद्रे- वरळी सी लिंक, वाशी येथील तिसरा खाडीपूल आणि इतर पायाभूत सुविधांना गती देण्याचे काम. ठाणे शहरातील धोकादायक इमारतींचा पुनर्विकासात योगदान; ठाणे मेट्रोच्या कामाला गती.
राजकीय कारकीर्द : १९८४ शिवसेना शाखाप्रमुख, वागळे इस्टेट, किसननगर; शिवसेना ठाणे जिल्हाप्रमुख; तीन वर्षे स्थायी समिती सदस्य, चार वर्षे १९९७ व २००२ दोनवेळा नगरसेवक, सभागृह नेता, महानगरपालिका ठाणे.
विधिमंडळ सदस्य : २००४-२००९, २००९-२०१४, २०१४-२०१९ २०१९-२०२४ सदस्य, महाराष्ट्र विधानसभा; २०१४-२०१९ विधिमंडळ शिवसेनेचे गटनेते; १२ नोव्हेंबर २०१४ ते ५ डिसेंबर २०१४ विरोधी पक्षनेता, महाराष्ट्र विधानसभा; ५ डिसेंबर २०१४ ते नोव्हेंबर २०१९ सार्वजनिक बांधकाम (सार्वजनिक उपक्रम) मंत्री; तसेच जानेवारी २०१९ सार्वजनिक आरोग्य खात्याचा कार्यभार व ठाणे जिल्ह्याचे पालकमंत्री; डिसेंबर २०१९ पासून शिवसेनेचे गट नेते; नोव्हेंबर २०१९ – जून २०२२ नगर विकास व सार्वजनिक बांधकाम खात्याचे मंत्री.
सत्तेतील सहभाग : ३० जून २०२२ रोजी मुख्यमंत्रिपदाची शपथ. खाती : सामान्य प्रशासन, नगरविकास, माहिती तंत्रज्ञान, जनसंपर्क, परिवहन, सामाजिक न्याय, खनिकर्म आणि इतर नोव्हेंबर २०२४ मध्ये महाराष्ट्र विधानसभेवर फेरनिवड, दिनांक ५ डिसेंबर २०२४ रोजी उपमुख्यमंत्रीपदाची शपथ.
महापरिनिर्वाण दिनानिमित्त मध्य रेल्वेचे खास नियोजन; नाशिक, मनमाडहून धावणार स्पेशल ट्रेन्स, वाचा वेळापत्रक
उपमुख्यमंत्री अजित आशाताई अनंतराव पवार
जन्म: २२ जुलै १९५९
शिक्षण : बी. कॉम. पक्षः राष्ट्रवादी काँग्रेस.
योगदान : विश्वस्त, विद्या प्रतिष्ठान, बारामती, सदस्य, रयत शिक्षण संस्था, सातारा, संचालक, छत्रपती शिक्षण संस्था, भवानीनगर, तालुका इंदापूर, संचालक, श्री. छत्रपती सहकारी साखर कारखाना, लि. भवानीनगर, संचालक, माळेगाव सहकारी साखर कारखाना, लि. संचालक, सोमेश्वर सहकारी साखर कारखाना, लि. जिल्हा पुणे, संचालक, राज्य सहकारी संघ, मुंबई, संचालक, वसंतदादा शुगर इन्स्टिट्यूट, पुणे, मार्च १९९१ ते ऑगस्ट १९९१ तसेच डिसेंबर १९९४ ते डिसेंबर १९९८ अध्यक्ष, पुणे जिल्हा मध्यवर्ती सहकारी बँक, ११ डिसेंबर १९९८ ते १७ ऑक्टोबर १९९९ अध्यक्ष राज्य सहकारी बँक, मुंबई, १९ डिसेंबर २००५ पासून संचालक.
विधिमंडळ सदस्य : १७ जून १९९१ ते १८ सप्टेंबर १९९१ सदस्य, लोकसभा १९९१-९५ (पो.नि.), १९९५-९९, १९९९-२००४, २००९-२०१४, २००४-२००९, २०१४-२०१९, २०१९-२०२४ सदस्य, विधान सभा.
सत्तेतील सहभाग : २८ जून १९९१ ते नोव्हेंबर १९९२ कृषी, फलोत्पादन व ऊर्जा खात्याचे राज्यमंत्री, नोव्हेंबर, १९९२ ते फेब्रुवारी, १९९३ जलसंधारण, ऊर्जा व नियोजन खात्याचे राज्यमंत्री, २७ ऑक्टोबर १९९९ ते २५ डिसेंबर २००३ पाटबंधारे (कृष्णा खोरे व कोकण पाटबंधारे महामंडळे), फलोत्पादन खात्याचे मंत्री, २६ डिसेंबर २००३ ते ३१ ऑक्टोबर २००४ ग्रामविकास, पाणीपुरवठा व स्वच्छता, पाटबंधारे खात्याचे मंत्री, ९ नोव्हेंबर २००४ ते ७ नोव्हेंबर २००९ जलसंपदा, लाभक्षेत्र विकास, पाणी पुरवठा व स्वच्छता खात्याचे मंत्री; ७ नोव्हेंबर, २००९ ते९ नोव्हेंबर २०१० जलसंपदा व ऊर्जा खात्याचे मंत्री, ११ नोव्हेंबर २०१० ते सप्टेंबर २०१४ महाराष्ट्र राज्याचे उपमुख्यमंत्री (वित्त व नियोजन आणि ऊर्जा), २२ डिसेंबर ते २७ डिसेंबर २०१९ उपमुख्यमंत्री, डिसेंबर २०१९-जून २०२२ उपमुख्यमंत्री (वित्त व नियोजन), जुलै २०२३ मध्ये उपमुख्यमंत्रिपदाची शपथ. नोव्हेंबर २०२४मध्ये महाराष्ट्र विधानसभेवर फेरनिवड, ५ डिसेंबर २०२४ रोजी उपमुख्यमंत्रिपदाची शपथ.