पुढे बोलताना त्या म्हणाल्या की या निवडणुकीत मला मागे खेचण्याचा विरोधकांनी चांगला प्रयत्न केला. मी महिला आहे, माझ्या बाबांचे वय झाले आहे, असा प्रचार करण्यात आला. अशा खालच्या पातळीवर टीका करणाऱ्या विरोधकांपुढे आपला कसा टिकाव लागणार, त्यामुळे माझ्या काही लोकांनी शांत राहणे देखील पसंत केले. पण मी पण बोर्डीकरांची लेक आहे. मी स्त्री असले तरी वेळप्रसंगी दुर्गेचे रूप देखील धारण करू शकते आणि त्यामुळेच मी आज दुसऱ्यांदा विजयी झाली आहे.

जिंतूर विधानसभा मतदारसंघाची खासियत अशी आहे की एकदा निवडून आलेला दुसऱ्यांदा आमदार म्हणून निवडून येत नाही. पण माझे बाबा रामप्रसाद बोर्डीकर या मतदारसंघातून चार वेळा निवडून आले आणि आता मी दुसऱ्यांदा निवडून आली आहे. या मतदारसंघात माझ्या वडिलांनी मागील पन्नास वर्षापासून मेहनत घेतली आहे आज या मतदारसंघातली तिसरी चौथी पिढी बोर्डीकर परिवारासोबत काम करत आहे. मी आमदार झाल्यानंतर संपूर्ण मतदारसंघात मंत्री म्हणून बॅनर लागले.

माझ्याकडे चांगली खाती आहेत. सार्वजनिक बांधकाम पाणीपुरवठा आणि महिला व बाल विकास अशी सक्षम खाती आहेत. या खात्याच्या माध्यमातून परभणी जिल्ह्याचा मोठ्या प्रमाणावर विकास करण्यासाठी प्रयत्न करणार आहे. जिल्ह्यात अपूर्ण असलेल्या पाणीपुरवठा योजना पूर्ण करण्यासाठी ताकदीने कामाला लागणार आहे, त्याचबरोबर जिल्ह्यातील रस्त्यांचे जाळे आणि महिला व बालकांच्या सर्व योजना यशस्वीपणे राबू राबविण्याचा प्रयत्न करणार असल्याचेही त्या म्हणाल्या.

विधानसभा निवडणुका झाल्यानंतर आता आरोप प्रत्यारोप मोठ्या प्रमाणावर सुरू झाले आहे. परभणी जिल्हा हा शिवसेनेचा बालेकिल्ला म्हणून ओळखला जातो पण शिवसेनेचे दोन तुकडे झाले असले तरी परभणी जिल्ह्यामध्ये शिवसेना उद्धव बाळासाहेब ठाकरे गटाची ताकद आणखीनही चांगली आहे, पण परभणी जिल्हा हा काबीज करण्यासाठी भाजपने आता चांगलीच कंबर कसली आहे, जिल्ह्यात महायुतीचे तीन आमदार निवडून आले आहेत आणि अशातच मेघना बोर्डीकर यांना मंत्री करून भाजपने परभणी जिल्हा शिवसेना आणि महाविकास आघाडीकडून पूर्णपणे आपल्या ताब्यात घेण्यासाठी प्रयत्न सुरू केले आहे.