पुणे जिल्हा, बारामती तालुक्यातील काटेवाडी इथे अजितदादांचा २२ जुलै १९५९ रोजी जन्म झाला. त्यांचं प्राथमिक आणि माध्यमिक शिक्षण बारामतीमध्ये, तर महाविद्यालयीन शिक्षण कोल्हापुरात झालं. त्यांनी बी. कॉमपर्यंत शिक्षण घेतलं आहे.

कसा सुरू झाला अजितदादांचा राजकीय प्रवास

१९७८ ते १९८२ – विविध कार्यकारी सेवा सहकारी सोसायटी आणि दूध संस्थेवर प्रतिनिधीत्त्व

१९८२ ते १९८७ – श्री. छत्रपती सहकारी साखर कारखाना इथे संचालक

१९८८ ते १९९१ – बारामती तालुक्यात सामाजिक कामात सुरुवात करत गावोगावी तरुणांच्या संघटना स्थापन करण्यात त्यांचा पुढाकार, युवक काँग्रेसच्या शाखांची स्थापना त्यांनी केली.

१९९१ – पुणे जिल्हा मध्यवर्ती सहकारी बँकेच्या निवडणुकीत संचालकपदी ते विजयी. त्यानंतर अजितदादा जिल्हा बँकेचे अध्यक्ष झाले.

१९९१ ते १९९९ – या काळात दादांनी जिल्हा बँकेच्या अध्यक्षपदाची धुरा सात वेळा सांभाळली.
पुन्हा एकदा काकांचा पक्ष फोडणार अजित पवार? राजकीय वर्तुळात चर्चांना उधाण

तरुण खासदार म्हणून दिल्ली जाण्याचा मान

१९९१ – बारामती लोकसभा मतदारसंघातून विक्रमी मताधिक्याने विजयी झाले.

१९९१ – लोकसभा सदस्यत्वाचा राजिनामा देऊन पुन्हा बारामती विधानसभा मतदारसंघातून निवडणूक लढवली आणि त्यांची आमदारपदी निवड झाली.

१९९१ ते १९९४ – सुधाकरराव नाईक यांच्या मंत्रिमंडळात ऊर्जा आणि जलसंधारण खात्याचे राज्यमंत्री म्हणून जबाबदारी स्वीकारली.

१९९५ – बारामती विधानसभा मतदारसंघातून विधानसभा सदस्य म्हणून दुसऱ्यांदा निवड झाली.

१९९६ ते १९९९ – या काळात महाराष्ट्र राज्य सहकारी बँकेच्या अध्यक्षपदी नियुक्ती झाली.

१९९९ ते २००४ – विधानसभा मतदारसंघातून विधानसभा सदस्य म्हणून तिसऱ्यांदा विजयी झाले. विलासराव देशमुख यांच्या मंत्रिमंडळात पाटबंधारे (कृष्णाखोरे) आणि फलोत्पादन कॅबिनेटमंत्री म्हणून जबाबदारी त्यांनी स्वीकारली. सुशिलकुमार शिंदे यांच्या मंत्रिमंडळात ग्रामीण विकास खात्याची अतिरिक्त जबाबदारीही स्वीकारली.

२००४ पासून बारामती विधानसभा

मतदारसंघातून विधानसभा सदस्य म्हणून चौथ्यांदा विक्रमी मतांना विजयी झाले. विलासराव देशमुख यांच्या मंत्रिमंडळात जलसंपदा, पाणीपुरवठा आणि स्वच्छतामंत्री होते. अशोकराव चव्हाण यांच्या मंत्रिमंडळात ऊर्जा आणि जलसंपदा मंत्री पद म्हणून कार्यरत होते.

२०१० पासून – पृथ्वीराज चव्हाण यांच्या बरोबरीने उपमुख्यमंत्री म्हणून राज्याचा कारभार संभाळला.

२०१४ पासून विरोधी पक्षात कार्यरत

२०१४ पासून राष्ट्रवादी काँग्रेस पक्षाचे विधीमंडळ पक्षनेता
२०१९ – माननीय उद्धव ठाकरे यांच्या मंत्रिमंडळात उपमुख्यमंत्री म्हणून कार्यरत. त्यानंतर काही काळ विरोधी पक्ष नेते म्हणून जबाबदारी सांभाळली.
२०१९ – पासून मुख्यमंत्री उद्धव ठाकरे यांच्या महाविकास आघाडी सरकारमध्ये जून २०२२ पर्यंत उपमुख्यमंत्री आणि अर्थमंत्री म्हणून कार्यभार संभाळला.
जून २०२२ पासून विरोधी पक्षनेता म्हणून कार्यरत

पाचव्यांदा उपमुख्यमंत्री

जुलै २०२३ पासून एकनाथ शिंदे यांच्या नेतृत्वात पुन्हा पाचव्यांदा उपमुख्यमंत्री म्हणून निवड झाली आणि मुख्यमंत्री एकनाथ शिंदे यांच्या मंत्रिमंडळात कार्यरत.

सहाव्यांदा उपमुख्यमंत्री

५ डिसेंबर २०२४ पासून पुन्हा सहाव्यांदा उपमुख्यमंत्री म्हणून शपथ घेतली.