याबाबत सविस्तर वृत्त असं की, बुधवारी १ जानेवारी रोजी पहाटे ५.२५ ते ५.३२ च्या सुमारास दोन अज्ञातांनी विजय चव्हाण यांना लोकल ट्रेनसमोर ढकलल्याचं लोकल मोटरमनने सांगितलं. त्यानंतर मोटरमनने पोलिसांना संपर्क केला. लगेचच वाशी रेल्वे पोलीस घटनास्थळी दाखल झाले. पोलिसांच्या तुकडीला दोन स्थानकांदरम्यान विजय चव्हाण बेशुद्ध अवस्थेमध्ये दिसले. त्यांना वाशी महानगरपालिकेच्या रुग्णालयात दाखल केल्यानंतर डॉक्टरांनी विजय चव्हाण मृत असल्याचं पोलिसांना सांगितलं.
पत्नीची हत्या करुन मृतदेह जाळला, नंतर बेपत्ता असल्याची तक्रार; नातेवाईकांना एक संशय आणि असं समोर आलं पतीचं कृत्य
विजय रमेश चव्हाण असं हत्या झालेल्या ४२ वर्षीय पोलीस कर्मचाऱ्याचं नाव असून ते पनवेल रेल्वे पोलीस ठाण्यात हेड कॉन्स्टेबल म्हणून काम करत होते. घटनेच्या दिवशी मंगळवारी चव्हाण यांची साप्ताहिक सुट्टी होती. बुधवारी पहाटे साडे पाचच्या सुमारास चव्हाण यांचा मृतदेह घणसोली ते रबाळे रेल्वे स्टेशनच्या मध्ये आढळून आला होता. आरोपींनी ठाण्याहून वाशीच्या दिशेनं जाणाऱ्या ट्रेनसमोर चव्हाण यांचा मृतदेह फेकून दिला होता.
कुटुंबाला संपवलं, हत्याकांडनंतर अरशदने कोणाला फोन केला? आई आणि बहिणींना मारलं तरी…
याबाबतची माहिती मोटरमनने आरपीएफ आणि वाशी रेल्वे पोलिसांना दिल्यानंतर रेल्वे पोलिसांनी तातडीने घटनास्थळी धाव घेतली. घटनास्थळाची पाहणी केल्यानंतर मृत व्यक्ती दुसरी तिसरी कुणी नसून पनवेल पोलीस ठाण्यात काम करणारे हेड कॉन्स्टेबल विजय चव्हाण असल्याचं समोर आलं. तसंच त्यांच्या गळ्यावर गळा दाबून हत्या केल्याच्या खुणा आढळल्या. त्यांचं शवविच्छेदन केलं असता त्यांची गळा दाबून हत्या केल्याचं समोर आलं.
नववर्षाच्या सुरुवातीलाच आईने जुळ्यांना संपवलं, नंतर स्वत:च्या आयुष्याचीही दोर कापली; मुलांच्या हत्येमागचं कारण संतापजनक
प्राथमिक तपासावरुन विजय चव्हाण हे घटनेदरम्यान ऑफ ड्यूटी होते. त्यांच्या अंगावर पोलिसी गणवेश नव्हता. त्याशिवाय त्यांनी मद्यपानदेखील केले होते. त्यांना दोघे मारेकरी मद्यपान करण्यासाठी प्रवृत्त करत होते. दारु पाजल्यानंतर दोघांनी गळा दाबून चव्हाण यांची हत्या केली. त्यानंतर चव्हाण यांना आरोपींनी रबाळे आणि घणसोली रेल्वे स्थानकांदरम्यान येणाऱ्या धावत्या लोकलसमोर ढकलून दिले. आरोपी कोण आहेत, या हत्येमागे त्यांचा काय उद्देश होता हे अजूनही स्पष्ट झालेलं नाही, अशी माहिती रेल्वे पोलिसांनी दिली आहे.

विजय चव्हाणांच्या मृतदेहाजवळ त्यांचा मोबाईल फोन आढळला. तपासाअंतर्गत पोलिसांनी फोन ताब्यात घेतला आहे. त्याशिवाय पोलिसांनी परिसरातील सीसीटीव्ही फुटेजची पाहणी करायला सुरुवात केली आहे.