राज ठाकरे काय म्हणाले?

ज्यावेळी उद्धव आजारी पडला, त्यावेळी पहिला गाडी घेऊन मी गेलो होतो तिथे, मी अलिबागला होतो, मला बाळासाहेबांचा फोन आला, अरे तुला कळलं का, असं असं झालंय, म्हटलं हो निघालोय मी, मी परिवाराच्या आड कधी राजकारण येऊ दिलं नाही, असं राज ठाकरे सांगत होते.

लेकासाठी भीक मागणार नाही

वरळीला जेव्हा आदित्य उभा होता गेल्या वेळेला, ३७-३८ हजार मतं आहेत तिथे महाराष्ट्र नवनिर्माण सेनेची, पण म्हटलं आमच्या कुटुंबातला पहिला माणूस उभा राहतोय, मी तिथे उमेदवार टाकणार नाही, ही माझ्या मनातून आलेली गोष्ट होती, मी कुणाला फोन नाही केला, की मी टाकत नाहीये, पुढच्या वेळेला मला सांभाळून घ्या, असल्या फालतू भिका मी नाही मागत. माझ्याकडून चांगुलपणाच्या जेव्हा गोष्टी होतील तेवढ्या मी केल्या. आज अमित उभा राहत असताना देखील मी भिका नाही मागणार, असं राज ठाकरे म्हणाले.
Mahim Online Poll : सरवणकर म्हणाले तिहेरी लढतीत अमित ठाकरेंना फायदा, ऑनलाईन पोलचा धक्कादायक अंदाज, फक्त १२ टक्के…

सरवणकरांवर निशाणा

जो कोणाचाच नाही झाला, त्याच्यावर काय बोलायचं? बाळासाहेब हयात असताना ही व्यक्ती काँग्रेसमधून आमदारकीला उभी राहिली आणि पडली. पडल्यावर परत शिवसेनेत आले आणि आमदार झाले. एकनाथ शिंदेंच्या बंडानंतर पेट्रोल पंपावर बसून शिंदेंना शिव्या दिल्या आणि त्यांनाच जाऊन नंतर सामील झाले, आपले आहेत की नाहीत यावर विश्वास ठेवता येत नाही, अशा शब्दात राज ठाकरेंनी सदा सरवणकर यांनाही चिमटे काढले.

Nashik News : ऐन निवडणुकीत भाजपला धक्का, बड्या नेत्याची संजय राऊतांशी भेट, ठाकरेंच्या हस्ते शिवबंधन बांधणार

अमितच्या भेटीला अपॉईंटमेंट लागणार नाही

महाराष्ट्र घडवण्यासाठी मला पोटात आग असणारी, ऊर्जावान माणसं हवी आहेत. तुमच्या हाकेला २४ तास ओ देणारी माणसं मला हवी आहेत. अमित राज ठाकरे असं नाव असलं, तरी त्याला भेटायला तुम्हाला अपॉईंटमेंटची गरज लागणार नाही. तोच नव्हे, माझ्या सगळ्या उमेदवारांना सांगितलं आहे, की तुमचा एक मोबाईल नंबर जनतेला दिलाच पाहिजे, त्यावर तुम्ही किंवा तुमचा एक माणूस २४ तास उपलब्ध हवा. नव्या उमेदीचे, नव्या ताकदीचे लोक विधानसभेत जाणं गरजेचं आहे. थकलेली हुकलेली माणसं पाठवून काय उपयोग? असा सवाल राज ठाकरेंनी विचारला.