स्वबळावर लढण्याचा आंबेडकरांचा निर्णय चांगला – आठवले

नुकतीच वंचितने मविआसोबतची युती तोडली. यावर बोलताना रामदास आठवले म्हणाले की, प्रकाश आंबेडकरांचा मला आदर आहे. ते अत्यंत चांगले राजकारणी आहेत. निवडणुकीच्या काळात चांगला लीड घेण्यात प्रकाश आंबेडकर हुशार आहेत. मात्र मविआत त्यांना घेतलं गेलं नाही. त्यामुळे स्वबळावर लढण्याचा त्यांचा निर्णय चांगला आहे. त्यांचा उमेदवार निवडून नाही आला तरी ते निवडणुकीच्या काळात चर्चेत असतात. कुणाला पाठिंबा द्यायचा कुणाला नाही. तसेच कुणाला उमेदवारी द्यायची कुणाला नाही, हे त्यांचे डावपेच आहेत. यात ते हुशार आहेत. त्यांच्या मागण्या मान्य न झाल्याने नाईलाजाने त्यांना हा निर्णय घ्यावा लागला. तो योग्य असल्याचे आठवले म्हणाले आहेत.

अकोल्यात प्रकाश आंबेडकरांना विरोध करणार नाही – आठवले

प्रकाश आंबेडकरांसोबत युती करण्यावर रामदास आठवलेंना सांगितलं की, भविष्यात आंबेडकर आणि मी एकत्र आलो तर दलितांसाठी एकत्र काम करु. त्यांची भूमिका मांडू. त्यांच्यासोबत युती करण्यावर माझी हरकत नाही मात्र त्यांची तशी इच्छा दिसत नाही. मी अनेकवेळा त्यांच्यासमोर माझी भूमिका मांडली. मात्र काही अडचणींमुळे ते होत नाही. समाजाने मनावर घेतलं तर हे होऊ शकतं. याला माझी हरकत नाही, असं त्यांनी सांगितलं. तसेच अकोल्यात प्रकाश आंबेडकरांना विरोध करणार नसल्याचं रामदास आठवले म्हणाले आहेत.