मुंबई: शिवसेना (उद्धव बाळासाहेब ठाकरे) गटाची लोकसभा उमेदवार यादी अखेर जाहीर करण्यात आली आहे. शिवसेना खासदार संजय राऊतांनी एक्स या सोशल मीडिया प्लॅटफॉर्मवरुन ही यादी जाहीर केली. महाविकास आघाडीने शिवसेनेला मुंबईतील चार मतदारसंघ सोडले होते. या चारही जागांवर ठाकरेंनी आपल्या सेनेतील मातब्बर नेत्यांना निवडणुकीच्या रिंगणात उतरवलं आहे.
ठाकरेंनी मुंबईतून कोणाकोणाला दिली उमेदवारी?
मुंबई ही ठाकरेंसाठी अत्यंत महत्त्वाची मानली जाते. त्यामुळे ठाकरे मुंबईत आपला पूर्ण जोर लावणार हे नक्की. शिवसेनेने दक्षिण मुंबई लोकसभा मतदारसंघातून अरविंद सावंत यांना उमेदवारी दिली आहे. दक्षिण मुंबईतून सावंतांना पुन्हा एकदा उमेदवारी देण्यात आली आहे. सावंतांनी दोनवेळा या मतदारसंघाचे दिल्लीत प्रतिनिधित्व केले आहे.
उत्तर पश्चिम मुंबईतून शिवसेनेने अमोल कीर्तिकर यांना उमेदवारी दिली आहे. तर, उत्तर पूर्व (ईशान्य) मुंबईतून संजय दिना पाटील यांना निवडणुकीच्या रिंगणात उतरवलं आहे. दक्षिण मध्य मुंबईतून ठाकरेंनी अनिल देसाई यांना उमेदवारी दिली आहे.
संजय राऊतांकडून सोशल मीडियावर पोस्ट
‘हिंदूहृदयसम्राट शिवसेनाप्रमुख बाळासाहेब ठाकरे यांच्या आशीर्वादाने आणि शिवसेना पक्ष प्रमुख श्री.उद्धवजी ठाकरे यांच्या आदेशाने शिवसेनेच्या 17 लोकसभा उमेदवारांची यादी जाहीर करण्यास येत आहे. मुंबई दक्षिण मध्य:श्री अनिल देसाई यांच्या उमेदवारीची घोषणा करण्यात येत आहे’, अशी पोस्ट संजय राऊतांनी केली.
ठाकरे गटाची संपूर्ण उमेदवार यादी
दक्षिण मुंबई* – अरविंद सावंत*
उत्तर पश्चिम मुंबई* – अमोल कीर्तिकर
उत्तर पूर्व (ईशान्य) मुंबई – संजय दिना पाटील
दक्षिण मध्य मुंबई* – अनिल देसाई
ठाणे* – राजन विचारे*
नाशिक*- राजाभाऊ वाजे
रायगड – अनंत गिते
रत्नागिरी सिंधुदुर्ग* – विनायक राऊत*
धाराशिव* – ओमराजे निंबाळकर*
परभणी* – संजय जाधव*
छत्रपती संभाजीनगर – चंद्रकांत खैरे
हिंगोली* – नागेश पाटील आष्टीकर
सांगली – चंद्रहार पाटील
मावळ* – संजोग वाघेरे
Read Latest Maharashtra News Updates And Marathi News
शिर्डी* – भाऊसाहेब वाकचौरे
बुलढाणा* – नरेंद्र खेडेकर
यवतमाळ वाशिम* – संजय देशमुख