सीजेपी आंदोलनाचे जसे कौतुक झाले तसेच अनेकांनी यावर टीका देखील केली. सीजेपीचे संस्थापक अभिजीत दिपके यांच्याविरोधात तक्रार दाखल केली जात आहे. हैदराबादहून छ. संभाजीनगर येथे आलेल्या एका इसमाने दिपकेंविरोधात आवाज उठवला आहे. दिल्लीत झालेली तोडफोड, पोलिसांचे नुकसान या सर्वाची भरपाई कोण करणार.. असे प्रश्न करत तक्रारदार जोसेफ वाळूज पोलीस स्टेशनमध्ये दाखल झाले. मात्र यावेळी दिपके समर्थकांनी देखील त्यांना प्रश्नांची सरबत्ती करत घेराव घातला. दिपके समर्थकांच्या प्रत्युत्तराने तक्रारदार यांनी तिथून काढता पाय घेतला.