पुणे: काँग्रेसचे अधिकृत उमेदवार रवींद्र धंगेकर यांनी आज राष्ट्रवादीचे अध्यक्ष शरद पवार यांची भेट घेतली आहे. उमेदवारी मिळाल्याबाबत सदिच्छा भेट आणि मार्गदर्शसाठी ही भेट होती. त्यासोबत शरद पवार यांची मदत येणाऱ्या लोकसभेसाठी लागणार असल्याचंही त्यांनी सांगितलं आहे. शरद पवारांसोबत भेट झाल्यानंतर रवींद्र धंगेकर यांनी महायुतीचे उमेदवार मुरलीधर मोहोळ यांना डिवचले आहे. “त्यांच्याकडे जर पैलवान प्रचाराला असतील, तर माझ्यासोबत वस्ताद आहेत. त्यामुळे कोणी प्रचाराला आलं तरी येवडा काही फरक पडणार नाही,” असं म्हणत धंगेकरांनी मोहोळ यांच्यावर मिश्किल टिपण्णी केली आहे.
रवींद्र धंगेकर यांनी काँग्रेसमधून अधिकृत उमेदवारी जाहीर झाल्यानंतर धंगेकर यांनी शरद पवारांची भेट घेतली. दरम्यान, धंगेकर सोबत काँग्रेस नेते मोहन जोशी, राष्ट्रवादी काँग्रेस शरद पवार गटाचे शहर अध्यक्ष प्रशांत जगताप, काँग्रेस कार्यकर्ते रोहन सुरवसे पाटील आणि इतर नेते उपस्थित होते. भेट झाल्यानंतर धंगेकर यांना प्रश्न करण्यात आला होता की प्रतिस्पर्धी मुरलीधर मोहोळ यांनी प्रचारासाठी पैलवान आखाड्यात उतरवले आहेत.
धंगेकर म्हणाले, हे क्षेत्रच बजरंगबळी आखाडा आहे. पैलवान हे सर्व सामन्य घरण्यातून गरीबी कुटिबंतून आले असतात पण मुरलीधर मोहोळ यांनी कधी पैलवानांना दूध पाजलं का ? त्यांनी पालिका अधिकारी व्यास यांना दूध पाजलं त्यांनी बिल्डरांना दूध पाजलं, त्यांनी कधी आमच्या गरीब पैलवानांना अर्धा लिटर दुध पाजलं नाही, आणि त्यांच्या कडे पैलवान आले तरी आमच्याकडे वस्ताद आहे. असं शरद पवार यांना उद्देशून म्हणत मुरलीधर मोहोळ यांच्यावर पहिला वार केला.
त्यासोबत शरद पवार यांची भेट येणाऱ्या निवडणुकीच्या मार्गदर्शसाठी होतो. येणाऱ्या निवडणुकीत कस नियोज करायचं आहे। हे प्रशांत जगताप आणि मोहोन जोशी यांना सांगितलं. त्यासोबत शरद पवार सहा मतदारसंघात सभा घेणार आहे. असं धंगेकर म्हंटले आहेत.