प्रसाद रानडे, रायगड : मुंबई – गोवा महामार्गावर नागोठण्याजवळील निडी येथे एसटी महामंडळाच्या महाड – बोरिवली गाडीचा अपघात झाला. निडी येथील इन्फिनिटी गॅसेस या कंपनी समोरील महामार्गावर सायंकाळी ४.४५ वाजण्याच्या सुमारास हा अपघात घडला. पेणवरुन महाडकडे घरगुती सामान घेऊन जाणारा टेम्पो आणि एसटी यांच्यात झालेल्या भीषण धडकेत टेम्पो चालकाचा गंभीर जखमी होऊन जागीच मृत्यू झाला. टेम्पोतील एक व्यक्ती आणि महिला गंभीर जखमी झाली आहे.

मृत टेम्पो चालकाचे नाव विकास विश्वास सुतार (वय ३० वर्षे) असं असून तो महाड तालुक्यातील वडवली गावातील रहिवासी होता. या अपघातात एस.टी. बसमधील काही प्रवासीही जखमी झाले आहेत. महामार्गावर वाहनांची गर्दी वाढल्याने एकाच लेनवरुन सुरू असलेल्या वाहतूकीमुळे हा अपघात घडल्याचा प्राथमिक अंदाज आहे.
व्हेल माशाची उलटी जप्त, १९ कोटींचा मुद्देमाल हस्तगत करत तिघांना अटक, मिरज पोलिसांची कारवाई
सुमारे १३ वर्षाहून अधिक काळ रखडलेल्या मुंबई – गोवा महामार्गाचे चौपदरीकरणाचे काम सध्या नागोठणे हद्दीत सुरू आहे. येथील निडी गावच्या हद्दीतही हे काम सुरू असून दोन्ही लेनचे काम जवळपास पूर्ण झालं आहे. असं असूनही महामार्ग प्राधिकारणाने हॉटेल कामत गोविंदापासूनची एक लेन बंद ठेवली आहे. त्यामुळे दुसऱ्या लेनवरुनच गाड्यांची वर्दळ सुरू आहे.
BMC गार्डनमधील हलगर्जी, पाण्याच्या टाकीत भावंडं पडली, दोन्ही चिमुकल्यांचा दुर्दैवी मृत्यू

त्यातच रविवारी महामार्गावर वाहनांची गर्दी वाढल्याने एकाच लेनवरुन सुरू असलेल्या वाहतूकीमुळे दोन्ही वाहनचालकांना अंदाज न आल्याने हा अपघात घडल्याचा प्राथमिक अंदाज व्यक्त केला जातोय. मात्र मुंबई – गोवा महामार्गावर आणखी किती बळी जाणार? असा संतप्त सवाल प्रवासी, नागरिकांकडून विचारला जात आहे.