नागपूर : लोकसभा निवडणुकीची जय्यत तयारी सुरू झाली आहे.भारतीय जनता पक्ष,काँग्रेससह सर्वच पक्षांनी तयारी सुरू केली आहे. सर्वच पक्ष आपापल्या रणनीतीवर कामाला लागले आहेत.ज्यामध्ये जागांचे वाटप,उमेदवारांची निवड,संघटना मजबूत करणे इ.या सर्व बाबींमध्ये चर्चेचा विषय कायम आहे की, केंद्रीय मंत्री नितीन गडकरी यांच्या विरोधात नागपुरातून उमेदवार कोण? गडकरींच्या विरोधात काँग्रेस पक्ष कोणाला मैदानात उतरवेल ?

नागपूर लोकसभा मतदारसंघ एकेकाळी काँग्रेसचा बालेकिल्ला मानला जात होता. १९७७ ते २०१४पर्यंत इथून काँग्रेसचे उमेदवार कोणत्याही अडचणीशिवाय विजयी होऊन खासदार व्हायचे. राष्ट्रीय स्वयंसेवक संघाचे मुख्यालय असूनही येथे भाजप कधीच मजबूत नव्हता. १९९६ वगळता ही जागा नेहमीच काँग्रेसकडे होती. नागपूर ही काँग्रेसची जागा मानली जात होती जिथून कोणालाही उमेदवारी दिली जाऊ शकते. मात्र २०१४च्या निवडणुकीत काँग्रेसला मोठा धक्का बसला. भाजपचे उमेदवार नितिन गडकरी यांनी नागपूरचे चार वेळा खासदार विलास मुत्तेमवार यांचा २.२५ लाखांहून अधिक मतांनी पराभव केला. तसेच २०१९ च्या निवडणुकीतही काँग्रेसला पराभवाला सामोरे जावे लागले होते.

नागपूर लोकसभा मतदारसंघातील मतदारांची संख्या २२ लाखांहून अधिक आहे. ज्यामध्ये हिंदू, मुस्लिम आणि बौद्ध प्रमुख आहेत. यासोबतच ख्रिश्चन, शीख आणि जैन धर्माच्या मतदारांची संख्याही मोठी आहे. यात हिंदूंसह दलित, कुणबी, हलबा , मुस्लिम आणि बौद्ध हे काँग्रेसचे पारंपरिक मतदार आहेत. त्यांच्यामुळेच काँग्रेसचे उमेदवार येथून निवडणूक जिंकून खासदार झाले. विलास मुत्तेमवार १९९६ ते २००९ या काळात नागपूरचे खासदार होते. मात्र, २०१४ मध्ये परिस्थिती पूर्णपणे बदलली.एकीकडे देशात मोदी लाट आणि दुसरीकडे गडकरींच्या कामाची अशी जुगलबंदी निर्माण झाली की नितीन गडकरींनी मुत्तेमवार यांचा २ लाख ८३ हजारांहून अधिक मतांनी पराभव केला. २०१९ च्या निवडणुकीत काँग्रेसने गोंदिया-भंडारा लोकसभा मतदारसंघातून खासदार नाना पटोले यांना उमेदवारी दिली. या निवडणुकीत काँग्रेसने आपली पूर्ण ताकद लावली. मात्र, निकाल २०१४ प्रमाणेच राहिला. गडकरी दोन लाखांहून अधिक मतांनी विजयी झाले.

इच्छुक उमेदवारांना मागितले अर्ज

आगामी लोकसभा निवडणुकीसाठी काँग्रेसने उमेदवार निवडण्यासाठी मोहीम सुरू केली आहे. त्याअंतर्गत नागपूर लोकसभा मतदारसंघातून निवडणूक लढविण्यास इच्छुक असलेल्यांकडून पक्षाने अर्ज मागवले आहेत. त्यात शहरातील ३८ नेत्यांनी आगामी लोकसभा निवडणुकीत काँग्रेसच्या तिकिटावर निवडणूक लढवण्याची इच्छा व्यक्त करणारे अर्ज सादर केले. निवेदन देणाऱ्यांमध्ये प्रफुल्ल गुडधे, राष्ट्रीय सचिव नितीन कुंभलकर, नयना झाडे, रमण पैगवार, गजराज हातेवार, अण्णाजी राऊत आदी बड्या नेत्यांचा समावेश होता.

या तीन नेत्यांची नावाची चर्चा

नागपूर लोकसभेसाठी ३८ नेत्यांनी काँग्रेसच्या तिकिटावर निवडणूक लढवण्याची इच्छा व्यक्त केली असली तरी. प्रामुख्याने तीन नेत्यांची नावे चर्चेत आहेत. त्यात विधान परिषदेचे आमदार अभिजीत वंजारी, प्रदेश सरचिटणीस प्रफुल्ल गुडधे पाटील आणि माजी खासदार विलास मुत्तेमवार यांचे पुत्र विशाल मुत्तेमवार यांच्या नावाचा समावेश आहे. सूत्रांनी दिलेल्या माहितीनुसार, तिन्ही नेत्यांपैकी कोणत्याही एका नेत्याला तिकीट दिले जाऊ शकते. मात्र, काँग्रेसच्या सूत्रांवर विश्वास ठेवला तर गुडधे पाटील यांचे नाव पहिल्या क्रमांकावर आहे. मात्र, काँग्रेस कोणाला रिंगणात उतरवणार हे पाहावं लागेल.

सामान्यतः नागपूर काँग्रेसला गटबाजीची काँग्रेस म्हणतात. त्याचे कारण म्हणजे येथील सर्व बड्या नेत्यांचे आपापले गट आहेत. प्रत्येकजण एकमेकांना आवडत नाही पण या निवडणुकीत सर्वजण एकत्र दिसले.