पुणे (मावळ) : लोकसभा निवडणुकीची रणधुमाळी सुरू आहे. सर्वच पक्षांनी आपली ताकद पणाला लावण्यास सुरुवात केली आहे. मात्र मावळ तालुक्यात राष्ट्रवादी काँग्रेसला धक्का बसला आहे. लोणावळा राष्ट्रवादी काँग्रेस अजित पवार गटात नाराजी पाहायला मिळत आहे. या नाराजीतून जवळपास १३७ पदाधिकारी आणि कार्यकर्त्यांनी राजीनामा दिल्याने सुनील शेळके यांना धक्का बसला आहे.

विनोद होगले हे लोणावळा युवक शहराध्यक्ष म्हणून होते. राष्ट्रवादी मावळ तालुका पक्षनेता यांनी लोणावळा युवक शहराध्यक्ष पद दुसऱ्याला दिले आणि पक्ष संघटनेत डावलत असल्याचा आरोप करत महिला, युवती, तरुण यांनी राजीनामा दिला.
आधी बारामती उरकतो मग पुणे आहेच, अजितदादांचा लेक जय पवारांचे पुण्यात अ‍ॅक्टिव्ह होण्याचे संकेत
राष्ट्रवादी काँग्रेसचे (अजित पवार) पक्षाच्या मावळमधील आणि पुणे जिल्ह्यातील प्रमुख पदाधिकाऱ्यांनी आज ज्यांनी राजीनामा दिला आहे त्यांची समजूत काढण्याचा प्रयत्न केलाय. आम्ही आमच्या निर्णयावर ठाम असल्याचे त्यांनी सांगितले आहे. त्यामुळे आम्ही राजीनामा दिल्याचं पदाधिकाऱ्यांनी सांगितलं आहे.
ठाकरे गटाची युवासेना कार्यकारिणी, दोन ‘खासदार’कन्यांसह १२ जणांची वर्णी, मारहाण झालेल्या रोशनी शिंदेंनाही बक्षिसी
गेल्या २० ते २५ वर्ष झालं पक्षाच काम केलं, आम्हाला डावलून इतरांना संधी का? लोणावळा युवक शहराध्यक्ष पदी मंगेश मावकर यांना संधी देण्यात आलीय, त्यांना काही अनुभव नाही असं असतानाही त्यांना संधी दिलीय, आम्ही राष्ट्रवादी पक्षासोबत होतो. आता मात्र आम्हाला निर्णय घ्यावा लागला, लवकरच पुढचं पाऊल उचणार आहोत, पदाधिकारी, कार्यकर्त्यांशी चर्चा करून पुढील निर्णय घेणार असल्याचे या पदाधिकारी यांनी सांगितले आहे.

Read Latest National News Updates And Marathi News

लोणावळ्यात पक्षामध्ये भूकंप होताच राष्ट्रवादीचे जिल्हाध्यक्ष प्रदीप गारटकर, तालुकाध्यक्ष गणेश खांडगे यांनी लगेच धाव घेतली. त्यांनी राजीनामा दिलेल्यांची समजूत काढण्याचा प्रयत्न केला. पण, त्याला यश आले नाही. त्यामुळे राजीनामा दिलेले कार्यकर्ते लवकरच निर्णय घेणार असून राष्ट्रवादी काँग्रेस शरदचंद्र पवार यांच्या पक्षात जाणार असल्याची माहिती समोर आली आहे.