नाशिक: राज्याचे अन्न व नागरी पुरवठा मंत्री छगन भुजबळ यांनी मनोज जरांगे यांच्यावर जोरदार टीका केली आहे. छगन भुजबळ यांनी नाशिकमध्ये पत्रकारांशी संवाद साधला यावेळी त्यांनी मनोज जरांगे यांना टोला लगावला. आज दुपारी मराठा आरक्षणासंदर्भात मनोज जरांगे पुढील दिशा स्पष्ट करणार आहेत त्यासाठी जरांगेंनी अंतरवाली सराटीत मराठा समाजाची बैठक बोलावली आहे. त्यावरुन छगन भुजबळ यांनी मनोज जरांगे यांच्यावर टीका केली.मराठा समाजाला स्वतंत्र आरक्षण दिले मग आता परत आंदोलनाची गरज काय ? असा सवाल भुजबळांनी उपस्थित केला. तसेच रोज उठून आंदोलन करतात लोकांपण कमदांधा पोट पाणी असते याच्यामुळे लोक कंटाळले आहेत. जरांगेंबरोबर आजूबाजूला राहणारे लोक त्यांच्या विरुद्ध काही गोष्टी उघडपणे बोलायला लागले आहेत. या गृहस्थाच्या अभ्यास नाही हे आता लोकांच्या लक्षात आले आहे.

कडाक्याच्या थंडीत अंगावर थंड पाणी, बेल्ट-दांडक्याने मारहाण; गरुडझेप अकॅडमीत विद्यार्थ्यांचा थर्ड डिग्री छळ
उगीच शिवाजी महाराज यांच्या प्रतिमेखाली बसून शिव्या देणे, संत तुकाराम महाराज , मुख्यमंत्री यांच्याबद्दल काहीही बोलायचे असे म्हणत भुजबळांनी जरांगेंवर निशाणा साधला. काही वेळाकरिता हे वादळ असत असे म्हणत भुजबळांनी जरांगेंनी बोलावलेल्या बैठकीवर भाष्य केले.

विरोधक काहीही आरोप करतात

उद्यापासून राज्याचे अर्थसंकल्पीय अधिवेशन सुरु होत आहे.त्यानंतर लोकसभेची आचारसंहिता लागण्याची शक्यता आहे असे भुजबळांनी सांगितले. त्यामुळे विरोधकांनी अधिवेशन गुंडाळण्याचा केलेला आरोप चुकीचा आहे असे भुजबळ म्हणाले. पुढचे अधिवेशन होईल तेव्हा पूर्ण बजेट मांडणी करण्यात येईल ज्यांना काही आरोप करायचे ते करतात असा भुजबळांनी विरोधकांना टोला लगावला.

तुतारी किती वाजेल ते निवडणुकीत कळेल

राष्ट्रवादी काँग्रेस शरदचंद्र पवार पक्षाला केंद्रीय निवडणूक आयोगाने नवीन पक्षचिन्ह बहाल केले आहे यावरही भुजबळांनी भाष्य केले. येणाऱ्या निवडणुकींमध्ये तुतारी किती वाजेल याबद्दल मी काही सांगू शकत नाही असा टोला भुजबळ यांनी लगावला. या वयामध्ये आणि शारीरिक अडचण असताना सुद्धा पवार साहेब रायगडावर गेले हे कौतुकास्पद आहे. ज्या वेळेला एखादी नवीन अशा प्रकारची चिन्ह वगैरे येत त्यावेळेस असा समारंभ केला जातो.

चंद्रशेखर बावनकुळेंना सुनावलं

भाजपप्रदेशाध्यक्ष चंद्रशेखर बावनकुळे यांच्या प्रादेशिक पक्षांबाबतच्या वक्तव्याचाही भुजबळांनी समाचार घेतला. लोकशाहीमध्ये प्रत्येकाला आपापला पक्ष काढण्याचा मुभा आहे त्यामुळे कोणीही असे बोलू नये. आपला किती लहान पक्ष होता आता मोठा पक्ष झाला असा टोला भुजबळांनी बावनकुळे यांना लगावला आहे