छत्रपती संभाजीनगर: शहरातील पोलिस, सैन्य भरती करणाऱ्या नामांकित गरुडझेप अकॅडमीमध्ये विद्यार्थ्यांचा छळ होत असल्याच्या कारणावरून दोन विद्यार्थ्यांनी स्वतःचा आयुष्य संपवले. यामुळे एकच खळाबल उडाली. यानंतर पोलिसांनी या गरूडझेप अकॅडमीवर घातलेल्या छाप्यात धक्कादायक प्रकार उघडकीस आले. अकॅडमीकडून विद्यार्थ्यांच्या छळाचे वेगवेगळे प्रकार समोर येत आहे. विद्यार्थ्यांना कडाक्याच्या थंडीमध्ये अंगावर थंड पाणी टाकून बेल्ट आणि लाकडी दांड्याने बेदम मारहाण करतानाचे व्हिडिओ सध्या समोर आले आहेत. यामुळे या अकॅडमीमध्ये येणाऱ्या विद्यार्थ्यांचा थर्ड डिग्री छळ कसा होतो हे समोर आला आहे.
छत्रपती संभाजीनगर जिल्ह्यासह पुणे, नाशिक यासह महत्त्वाच्या शहरांमध्ये नामांकित म्हणून ओळखली जाणारी गरुडझेप अकॅडमी आहे. मात्र, मोठमोठ्या जाहिराती देऊन विद्यार्थ्यांना आकर्षित करणाऱ्या या गरुडझेप अकॅडमीच्या संभाजीनगर शाखेमध्ये विद्यार्थ्यांचा छळ झाल्याने दोन विद्यार्थ्यांनी आत्महत्या केल्याची धक्कादायक बाब समोर आली आहे. यानंतर छत्रपती संभाजीनगर शहराचे पोलिस उपायुक्त नितीन बगाटे यांनी वाळूज येथील अकॅडमीवर छापा टाकला होता. यामध्ये तपासणी केली असता विद्यार्थ्यांना सोयीसुविधा अपुरे असून या ठिकाणी मोठ्या प्रमाणात विद्यार्थी असल्याचं समोर आलं होतं. या ठिकाणी विद्यार्थ्यांकडून पैशांसाठी छळ केला जात असल्याचे देखील समोर आलं होतं. यामुळे अनेक विद्यार्थी हे अर्ध्यातच शिक्षण सोडून माघारी परतत असल्याचं अनेक विद्यार्थ्यांनी सांगितलं.
या गरुडझेप आपण अकॅडमीमध्ये मराठवाड्यासह महाराष्ट्रामधील वेगवेगळ्या भागातील विद्यार्थी नोकरीच्या अपेक्षेने येतात. अनेक विद्यार्थ्यांची परिस्थिती नाजूक असते. यामुळे कौटुंबिक परिस्थिती सांभाळत हे विद्यार्थी या ठिकाणी प्रशिक्षण घेतात. मात्र या ठिकाणी फीस घेतल्यानंतरही वेगवेगळ्या नावाखाली विद्यार्थ्यांचा छळ केला जातो. यानंतर विद्यार्थ्यांना मानसिक त्रास दिला जातो. मेसे पैसे न देणाऱ्या विद्यार्थ्यांना मानसिक त्रास देऊन त्यांच्याकडून काम करून घेतली जातात. त्याचबरोबर विद्यार्थ्यांची मूळ कागदपत्र जवळ घेऊन त्यांना धमकी देऊन राबवले जातात अनेक विद्यार्थ्यांनी सांगितलं.
अकॅडमीकडून विद्यार्थ्यांचा थर्ड डिग्री छळ…
या गरुडझेप अकॅडमीमध्ये प्रशिक्षण देणाऱ्या प्रशिक्षकांकडून कडाक्याच्या थंडीमध्ये विद्यार्थ्यांना अंगावर पाणी टाकून त्यांना पाईप व बेल्टच्या साहाय्याने बेदम मारहाण करत असल्याचा व्हिडिओ समोर आला आहे. निर्दयीपणे मारहाण करणारे या प्रशिक्षकांना विनवण्या करून देखील अशी मारहाण केली जात होत असल्याचे विद्यार्थी सांगतात त्यामुळे हा व्हिडिओ आता व्हायरल होत आहे.