ठाणे : कल्याण रेल्वे स्थानकावरील एक नंबर प्लॅटफॉर्मवर आज दुपारच्या दरम्यान डिटोनेटर स्फोटके आढळल्याने मोठी खळबळ उडाली. कल्याण स्टेशनच्या परिसरातील वडाच्या झाडाखाली एका बॉक्समध्ये एकूण ५४ डिटोनेटर स्फोटके आढळले. कल्याण स्टेशनवर काम करणाऱ्या एका सफाई कर्मचाऱ्यांना बॉक्सवर संशय आल्याने त्याने ही माहिती कल्याण रेल्वे पोलिसांना दिली. त्यानंतर कल्याण रेल्वे पोलीस बॉम्बस्फोटचे पथक सिटी पोलीस डॉग्स स्कॉट, एटीएसची टीम घटनास्थळी दाखल होत, दोन बॉक्स आपल्या ताब्यात घेत पोलीस तपास सुरू केला आहे. या डेटोनेटरच्या साह्याने जिलेटिनला जोडून मोठा स्फोट केला जाऊ शकतो, असा संशय पोलिसांना असून सध्या पोलिसांनी या प्रकरणात तपास सुरू केला आहे.मिळालेल्या माहितीनुसार, कल्याण रेल्वे स्थानकात एक नंबर प्लॅटफॉर्मवर एस्केलेटरच्या शेजारी एका बॉक्समध्ये ५४ डिटोनेटर सापडल्याने स्टेशन परिसरात एकच खळबळ उडाली. आज सायंकाळी चार वाजण्याच्या सुमारास रेल्वे पोलिसांना फोन आला. त्यानंतर रेल्वे पोलिसांनी घटनास्थळी धाव घेतली. त्यावेळी स्टेशनवरील प्लॅटफॉर्म नंबर एकवर दोन बॉक्स आढळले. या बॉक्समध्ये डिटोनेटर होते. याबाबत तत्काळ बॉम्बशोधक पथकाला माहिती देण्यात आली. बॉम्बशोधक पथकाने घटनास्थळी धाव घेतली, त्यानंतर हे डिटोनेतर ताब्यात घेतले आहे. कल्याण रेल्वे स्थानकावर प्रवाशांची प्रचंड वर्दळ असते. वर्दळीच्या वेळी ही घटना समोर आल्याने स्टेशन परिसरात एकच खळबळ उडाली होती.
सध्या रेल्वे पोलीस, बॉम्बशोधक पथक, कल्याण डीसीपी हे या घटनेचा तपास करत आहेत. पोलिसांचा मोठा फौजफाटा परिसरात तैनात करण्यात आला आहे. कल्याण रेल्वे स्टेशनवर स्फोटके कोणी आणले? कधी आणले? रेल्वे स्थानकावर का ठेवले? याचा तपास आता पोलीस करत आहेत. नेहमी गर्दी असणाऱ्या कल्याण रेल्वे स्टेशनवर डिटोनेटर सापडल्याने लोकांच्या सुरक्षितेचा प्रश्न उपस्थित करण्यात येत आहे.
याविषयी पोलीस उपायुक्त मनोज पाटील यांनी माहिती देताना सांगितले की, कल्याण रेल्वे स्टेशन पश्चिम साईडला ५४ इलेक्ट्रिक डिटोनेटर मिळाले आहेत. विहीर किंवा खदानी अशा ठिकाणी जे जिलेटिन ब्लास्टसाठी वापरतात ते हे असल्याचे प्राथमिक तपासात तस आपण म्हणू शकतो. सफाई कामगारांच्या मार्फत आम्हाला ही माहिती मिळाली. त्यानुसार तपास केला असता त्या ठिकाणी बॅग आढळून आली. हे फक्त डिटोनेटर आहेत. त्याचा स्फोट होण्याची शक्यता नाही. मार्केटमध्ये हे सहज उपलब्ध होतात. या घटनेची कल्याण लोहमार्ग पोलीस ठाण्यात नोंद करण्यात आली असून तपास सुरू केला आहे. हे येथे कोणी कशासाठी आणले याचा देखील तपास सुरू आहे.
सध्या रेल्वे पोलीस, बॉम्बशोधक पथक, कल्याण डीसीपी हे या घटनेचा तपास करत आहेत. पोलिसांचा मोठा फौजफाटा परिसरात तैनात करण्यात आला आहे. कल्याण रेल्वे स्टेशनवर स्फोटके कोणी आणले? कधी आणले? रेल्वे स्थानकावर का ठेवले? याचा तपास आता पोलीस करत आहेत. नेहमी गर्दी असणाऱ्या कल्याण रेल्वे स्टेशनवर डिटोनेटर सापडल्याने लोकांच्या सुरक्षितेचा प्रश्न उपस्थित करण्यात येत आहे.
याविषयी पोलीस उपायुक्त मनोज पाटील यांनी माहिती देताना सांगितले की, कल्याण रेल्वे स्टेशन पश्चिम साईडला ५४ इलेक्ट्रिक डिटोनेटर मिळाले आहेत. विहीर किंवा खदानी अशा ठिकाणी जे जिलेटिन ब्लास्टसाठी वापरतात ते हे असल्याचे प्राथमिक तपासात तस आपण म्हणू शकतो. सफाई कामगारांच्या मार्फत आम्हाला ही माहिती मिळाली. त्यानुसार तपास केला असता त्या ठिकाणी बॅग आढळून आली. हे फक्त डिटोनेटर आहेत. त्याचा स्फोट होण्याची शक्यता नाही. मार्केटमध्ये हे सहज उपलब्ध होतात. या घटनेची कल्याण लोहमार्ग पोलीस ठाण्यात नोंद करण्यात आली असून तपास सुरू केला आहे. हे येथे कोणी कशासाठी आणले याचा देखील तपास सुरू आहे.