म टा वृत्तसेवा, अलिबाग : रायगड लोकसभा मतदार संघाची जागा राष्ट्रवादी मिळणारअसून तुमच्या मनातील उमेदवार दिला जाणार आहे असे राज्याचे उपमुख्यमंत्री अजित पवार यांनी रायगड जिल्ह्यात म्हसळा येथे सांगून राष्ट्रवादी काँग्रेस पक्षाच्या खा. सुनील तटकरे यानाच तिकीट मिळणार असल्याचे संकेत दिले आहेत. रायगड जिल्ह्यात लोकसभा मतदार संघात भाजपने दावा केला असून तसे कार्यकर्ते मेळावे जिल्ह्यात भाजपा घेत आहे. मात्र अजित पवार यांच्या संकेतामुळे जिल्ह्यात भाजपा विरुद्ध राष्ट्रवादी वाद वाढणार काय असा प्रश्न पडला आहे.

म्हसळा येथील ४३ कोटी रुपये खर्चाच्या म्हसळा शहराच्या पाणी पुरवठा प्रकल्पाचे भूमिपुजन आज राज्याचे उपमुख्यमंत्री अजित पवार यांच्या हस्ते करण्यात आले. या प्रसंगी ते बोलत होते. यावेळी खा. तथा राष्ट्रवादी काँग्रेसचे प्रदेशाध्यक्ष सुनिल तटकरे, महिला आणि बालकल्याण मंत्री आदिती तटकरे,आ. अनिकेत तटकरे,जिल्हा राष्ट्रवादी काँग्रेस चे अध्यक्ष मधुकर पाटील आदी उपस्थित होते.

राज्यातील सर्व ४८ जागा निवडण्याचा आणि त्या जिंकून आणण्याचा निश्चय केला असल्याचे ना. अजित पवार यांनी यावेळी सांगून ही जागा राष्ट्रवादी काँग्रेसला मिळणार आहे व तुमच्या मनातील उमेदवार इथे दिला जाणार असल्याचे म्हटले. मात्र अजित पवार यांच्या वक्तव्यामुळे भाजपाच्या गोटात खळबळ उडाली आहे.

काही दिवसांपूर्वीच पाली सुधागड येथे झालेल्या भाजपा कार्यकर्त्या मेळाव्यात खा.तटकरे यांच्यावर भाजपच्या नेत्यांनी टीका केली होती व रायगडमध्ये लोकसभा निवडणुकीसाठी भाजपने दावा केला होता. त्यानंतर रायगड मधील राजकीय परिस्थिती वेगळी असून राष्ट्रवादीचे खासदार सुनील तटकरे यांनीच लोकसभा निवडणूक लढवली पाहिजे. रायगडच्या विकासाच्या दृष्टीने खा. तटकरे हेच लोकसभा उमेदवार पाहिजेत अशी आग्रही मागणी शिवसेनेचे शिंदे गटाचे आमदार महेंद्र दळवी यांनी अलिबाग येथे केले व राष्ट्रवादीच्या खा. तटकरे यांच्या लोकसभा उमेदवारीचे समर्थन केले होते. या पार्श्वभूमीवर महायुती मधील वरिष्ठ नेते रायगड लोकसभा मतदार संघाबद्दल काय भूमिका घेतात याकडे रायगडकरांचे लक्ष लागले आहे.
Read Latest Maharashtra News And Marathi News

अजित पवार यांनी सांगितले कि शिवजयंती निमित्त राष्ट्रवादी काँग्रेस पक्षाच्या वतीने शिव स्वराज्य सप्ताहाचे आयोजन करण्यात आले असून खा.सुनील तटकरे यांनी ह्या छत्रपती शिवरायांच्या भूमीत राष्ट्रवादी पक्ष हा वाढवला, असून त्यांच्या सोबत असंख्य कार्यकर्ते यांनी त्यांना भक्कम अशी साथ दिली म्हणून आज रायगडमध्ये आपल्या पक्षाची नाळ ही गावा-गावात जोडली गेली असल्याचे पवार यावेळी म्हणाले.
माओवाद्यांकडून माझी हत्या व्हावी अशी उद्धव ठाकरेंची इच्छा होती, मुख्यमंत्री शिंदे यांचा गंभीर आरोप

रायगड जिल्ह्याच्या दक्षिण लोकसभा मतदारसंघातून भाजपचे धैर्यशील पाटील तर उत्तर रायगड मधून भाजपचे आमदार प्रशांत ठाकूर यांना उमेदवारी द्यावी अशी मागणी रायगड जिल्ह्यात भाजपच्या कार्यकर्त्यांनी केली असून त्यांनी रायगड लोकसभा मतदारसंघावर दावा केला आहे. दरम्यान सुनील तटकरे यांनी ‘दिल्लीत जायला आवडेल”, अशी सूचक प्रतिक्रिया देखील दिली होती.
राज्यसभा मिळेना, लेक अडचणीत; चव्हाणांनंतर आणखी एक माजी CM भाजपत? काँग्रेसला पुन्हा धक्का?
माजी आमदार धैर्यशील पाटील यांना रायगड मधून लोकसभेची उमेदवारी देण्याचे आश्वासन भाजपच्या पक्ष श्रेष्ठींनी दिल्यानंतर त्यांनी शेकापला राम राम ठोकून भाजपमध्ये प्रवेश केला. त्यानंतर त्यांच्याकडे दक्षिण रायगड जिल्हाध्यक्ष पद दिले गेले. यामुळे संभाव्य लोकसभा उमेदवारी गृहीत धरून त्यांनी दक्षिण रायगड मधील लोकसभा मतदार संघात कार्यकर्ता भेटीघाटी व लोकसंपर्क वाढवला आहे. दरम्यान राष्ट्रवादीतील अजित पवार यांचा एक गट राज्याच्या राजकारणात आल्याने व पुन्हा आदिती तटकरे यांना मंत्रीपद दिल्याने रायगड मधील राजकारणाला वेगळे वळण लागले आहे.