जळगाव: शिवसेना फुटली नसती आणि एकत्र असती तर लोकसभा निवडणूक लढली असती. मात्र, आता शिवसेना एकत्र नसल्याने पाहिजे तसा प्रतिसाद मिळणार नाही त्यामुळे एवढी मोठी रिस्क घेणार नाही, असं वैशाली सूर्यवंशी यांनी म्हटलं. विधानसभा निवडणूक लढणार असल्याचं वक्तव्य जळगावातील पाचोरा येथील शिवसेना ठाकरे गटाचा नेत्या वैशाली सूर्यवंशी यांनी केलं आहे.
भडगाव येथे युवा सेना प्रमुख आदित्य ठाकरे यांची भव्य जाहीर सभा पार पडली या सभेनंतर वैशाली सूर्यवंशी पत्रकारांशी बोलत होत्या. वैशाली सूर्यवंशी या आर.ओ. पाटील यांच्या कन्या आहेत. आर.ओ. पाटील हे लोकसभेची तयारी करत होते त्यावेळी शिवसेना एकत्र होती त्याचवेळी निवडणूक लढले असते. मात्र शिवसेना एकत्र नसल्याने आता एवढी मोठी रिस्क न घेता लोकसभा निवडणूक लढणार नाही. आपण विधानसभा निवडणूक लढवणार असून विधानसभेतील उमेदवारी बाबत उद्धव ठाकरे यांनी आश्वासन दिलं असल्याचंही यावेळी वैशाली सूर्यवंशी यांनी सांगितलं.
आपल्या सगळ्यांना माहिती आहे की पाचोरा भडगाव मतदारसंघात एमआयडीसीचा मोठा प्रश्न आहे. सूतगिरणीचा प्रश्न आहे, पिण्याच्या पाण्याचा प्रश्न आहे. पाचोऱ्यासारख्या ठिकाणी एका महिन्यानं पाणी येतं ही गंभीर स्थिती आहे. यामुळं मी हा प्रश्न मांडल्याचं वैशाली सूर्यवंशी म्हणाल्या.
आदित्य ठाकरे यांचा लोकसभा निवडणुकीच्या पार्श्वभूमीवरील दौरा शिवसैनिकांसाठी चैतन्यदायी ठरणार आहे, असं वैशाली सूर्यवंशी म्हणाल्या. शिवसेनेचा बालेकिल्ला हा पाचोरा भडगाव हा मतदारसंघ राहिलेला आहे. आदित्य ठाकरेंची पहिली सभा, सुषमा अंधारे त्यानंतर उद्धव ठाकरे आणि आता आदित्य ठाकरे यांची सभा असेल. प्रत्येक सभेला शिवसैनिकांचा उत्साह दिसून आलेला आहे.
Read Latest Maharashtra News And Marathi News
मला पक्षानं लोकसभेची संधी दिलेली नाही. मला पक्षानं विधानसभा लढायला सांगितलं आहे. जर शिवसेना एकसंध राहिली असती तर मी फक्त लोकसभा लढणार होते, आता मात्र मी फक्त विधानसभा लढणार आहे, असं वैशाली सूर्यवंशी म्हणाले. विधानसभा निवडणूक अजून लांब आहे. जळगावची जागा शिवसेनेला मिळणार आहे त्यामुळं त्याची तयारी म्हणून आदित्य ठाकरेंचा दौरा होता, असं वैशाली सूर्यवंशी म्हणाल्या.