पुणे : शरद मोहोळ खून प्रकरणात आतापर्यंत अटक करण्यात आलेल्या १५ आरोपींसह फरार असलेल्या गणेश मारणेवर महाराष्ट्र संघटित गुन्हेगारी नियंत्रण कायद्याअंतर्गत (मकोका) कारवाई करण्यात आली आहे. पोलिस आयुक्त रितेशकुमार यांनी मकोका कारवाईचा आदेश काढला.
सुतारदरा परिसरात राहत्या घराजवळ तिघांनी गोळ्या झाडून मोहोळचा खून केला. ही घटना पाच जानेवारीला दुपारी घडली. त्याच रात्री गुन्हे शाखेच्या पोलिसांनी साहिल उर्फ मुन्ना संतोष पोळेकर, नामदेव महिपती कानगुडे, अमित ऊर्फ अमर मारुती कानगुडे, चंद्रकांत शाहू शेळके, विनायक संतोष गव्हाणकर, विठ्ठल किसन गांदले, अॅड. रवींद्र पवार आणि अॅड. संजय उडान यांना सातारा महामार्गावरील किकवी गावाच्या हद्दीतून ताब्यात घेतले.
सुतारदरा परिसरात राहत्या घराजवळ तिघांनी गोळ्या झाडून मोहोळचा खून केला. ही घटना पाच जानेवारीला दुपारी घडली. त्याच रात्री गुन्हे शाखेच्या पोलिसांनी साहिल उर्फ मुन्ना संतोष पोळेकर, नामदेव महिपती कानगुडे, अमित ऊर्फ अमर मारुती कानगुडे, चंद्रकांत शाहू शेळके, विनायक संतोष गव्हाणकर, विठ्ठल किसन गांदले, अॅड. रवींद्र पवार आणि अॅड. संजय उडान यांना सातारा महामार्गावरील किकवी गावाच्या हद्दीतून ताब्यात घेतले.
कोथरूड पोलिस ठाण्यात या प्रकरणी गुन्हा दाखल आहे. तर, पोलिसांनी अटक आरोपींकडे तपास केल्यानंतर गुन्ह्यात सहभाग असलेल्या अन्य आरोपींची माहिती पुढे आली. त्यानुसार पोलिसांनी विठ्ठल शेलार, रामदास ऊर्फ वाघ्या मारणे, धनंजय मारुती वटकर, सतीश संजय शेडगे, नितीन अनंता खैरे, आदित्य विजय गोळे आणि संतोष दामोदर कुरपे यांना अटक केली. तर, गणेश मारणे हा देखील मोहोळ खुनाचा कट रचण्यात सहभागी असून पोलिस त्याचा शोध घेत आहे. या सर्व १६ जणांवर गुन्हे शाखेने मकोका कारवाई केली आहे. या गुन्ह्याचा तपास गुन्हे शाखेचे उपायुक्त अमोल झेंडे यांच्या मार्गदर्शनाखाली सहायक आयुक्त सुनील तांबे हे करत आहेत.
गणेश मारणे फरारच
मोहोळ खून प्रकरणात विठ्ठल शेलार आणि गणेश मारणे ही दोन महत्त्वाची नावे आहेत. यातील शेलारला अटक करण्यात आली असून, पोलिस कोठडीची मुदत संपल्याने शेलारची रवानगी येरवडा कारागृहात करण्यात आली आहे. तर, मारणे अजूनही फरारच आहे. पोलिस त्याचा मागावर आहेत, मात्र तो पोलिसांना त्याच्यापर्यंत पोहोचण्यात यश मिळत नसल्याचे चित्र आहे.
नितीश कुमार यांनी मुख्यमंत्रिपदाची शपथ घेतल्यानंतर तेजस्वी यादव यांची पहिली प्रतिक्रिया; म्हणाले…