शरद पवार गटाचे तालुका आणि शहराध्यक्ष वकील आहेत. याचा संदर्भ घेत उपमुख्यमंत्री पवार पुढे म्हणाले, आपले वकील बाकीच्या ठिकाणीच फार लक्ष देतात. कुठे अध्यक्ष होतात, काय होतात. त्यांनी मनाला विचारावे की बारामती शहर, तालुक्याचा विकास कोणी केला. यातील अनेकांना मी मोठे केले, त्यांना पदे दिली, मानसन्मान दिला. हे लोक कोणाला माहित पण नव्हते. त्यातील अनेकांनी माझ्या तरुणपणात माझ्यासोबत काम केले आहे. पण आता ते गावोगावी घोंगडी बैठका घेत आहेत. मी कोणाला काय बोललो की बघा कसा बोलतो असे म्हणत आहेत, असे लोक ओवाळून टाकले पाहिजेत.