लग्नानंतर सुरू झाला छळ

या प्रकरणी मिळालेल्या अधिक माहितीनुसार, माजलगाव तालुक्यातील तालखेडा गावातील ज्योती पवार या महिलेचा विवाह २०१८ मध्ये तळतांडा येथील कृष्णा पवार यांच्याशी झाला होता. लग्नानंतर काही दिवस सर्व काही सुरळीत होते. मात्र त्यानंतर सासरच्या मंडळींकडून पतीच्या व्यवसायासाठी माहेरून पैसे आणण्याचा दबाव टाकत तिचा छळ सुरू झाल्याचे फिर्यादीत नमूद आहे.

रंगावरूनही टोमणे

सासरच्या मंडळींकडून “तू रंगाने काळी आहेस, त्यामुळे आम्हाला आवडत नाहीस,” असे म्हणत ज्योतीचा सातत्याने मानसिक छळ केला जात होता, असा आरोप करण्यात आला आहे.

Pune Crime : कॉलेजसमोर किरकोळ वादातून विद्यार्थ्यावर भीषण हल्ला, वाघोली पोलिसांकडून तपास सुरू

विष प्राशन; उपचारादरम्यान मृत्यू

या सततच्या छळाला कंटाळून ज्योतीने १२ जानेवारी २०२६ रोजी विष प्राशन केले. त्यानंतर तिला छत्रपती संभाजीनगर आणि नंतर पुणे येथील रुग्णालयात दाखल करण्यात आले. मात्र उपचारादरम्यान १८ जानेवारी रोजी तिचा मृत्यू झाला.

पतीसह तिघांवर गुन्हा

घटनेनंतर खचलेल्या आई-वडिलांना स्वतःला सावरण्यात वेळ गेला. त्यामुळे सुरुवातीला तक्रार दाखल करण्यात आली नव्हती. मात्र आता १३ मार्च रोजी माजलगाव ग्रामीण पोलीस ठाण्यात ज्योतीच्या सासरच्या मंडळींविरुद्ध गुन्हा दाखल करण्यात आला आहे. या प्रकरणात तिचा पती कृष्णा पवार, सासरा मनोहर पवार आणि सासू ताराबाई पवार यांचा समावेश आहे.

दरम्यान, सध्या या प्रकरणाचा अधिक तपास माजलगाव ग्रामीण पोलीस ठाण्याचे पोलीस करत असल्याची माहिती देण्यात आली आहे.