अपघाताची माहिती मिळताच घटनास्थळी पोलीस, आपत्ती व्यवस्थापन कक्षाचे कर्मचारी, अग्निशमन दलाचे जवान पोहचले. या अपघातानंतर गाडीत अडकलेल्या जखमींची बचाव पथकाने सुटका केली. जखमींमध्ये चालक फयाज शेख (५१), विकास कुमार (२१), संतोष कुमार (२४), शिवशंकर आदित्य (३३) व प्रदीप प्रसाद (२५) यांच्या समावेश आहे. त्यांच्या डोक्याला व चेहऱ्याला गंभीर दुखापत झाली आहे.

‘या’ दोघांना मुंबईला हलवले

अपघातातील सर्व जखमींना ठाणे जिल्हा शासकीय रुग्णालयात उपचारासाठी दाखल करण्यात आले होते. यातील संतोष कुमार व विकास कुमार यांची प्रकृती चिंताजनक असल्याने त्यांना पुढील उपचाराकरिता मुंबईच्या जेजे व सायन रुग्णालयात हलवण्यात आले.