अलिबाग: मुंबई-गोवा महामार्गावर वाहतूक कोंडी झाली आहे. पनवेलकडील मार्गिकेचे काँक्रीटीकरणाचे काम चालू असल्याने मुंबई गोवा महामार्गावर पेणजवळ आज वाहतूक कोंडी झाली आहे. यामुळे वाहनांच्या लांबच लांब रांगा महामार्गावर लागल्या आहेत. सुमारे आठ किलोमीटरपर्यत या रांगा लागल्या आहेत.
विक एंड असल्याने पर्यटक आणि चाकरमानी बाहेर पडले होते. त्यामुळे मुंबई गोवा महामार्गावर मोठ्या प्रमाणात वाहतूक सुरू आहे. ट्रॅफिक जाममुळे त्यांचा चांगलाच खोळंबा झाला आहे. महामार्गावरील पनवेलकडे जाणाऱ्या मर्गिकेचे काम चालू असल्याने कोकणात जाणाऱ्या मार्गिकेमधून दोन्ही बाजूची वाहतूक चालू ठेवली आहे. त्यामध्ये पेण शहरातून बाहेर पडणाऱ्या वाहनाने अधिक गर्दी झाली आहे. विशेष म्हणजे वाहतूक नियंत्रण करण्यासाठी कोठेही वाहतूक पोलीस दिसून येत नाही.
विक एंड असल्याने पर्यटक आणि चाकरमानी बाहेर पडले होते. त्यामुळे मुंबई गोवा महामार्गावर मोठ्या प्रमाणात वाहतूक सुरू आहे. ट्रॅफिक जाममुळे त्यांचा चांगलाच खोळंबा झाला आहे. महामार्गावरील पनवेलकडे जाणाऱ्या मर्गिकेचे काम चालू असल्याने कोकणात जाणाऱ्या मार्गिकेमधून दोन्ही बाजूची वाहतूक चालू ठेवली आहे. त्यामध्ये पेण शहरातून बाहेर पडणाऱ्या वाहनाने अधिक गर्दी झाली आहे. विशेष म्हणजे वाहतूक नियंत्रण करण्यासाठी कोठेही वाहतूक पोलीस दिसून येत नाही.
ट्रॅक्टर, ट्रेलर सारखी अवजड वाहने धिमा प्रवास करत असल्याने वाहतुकीचा बोजवारा उडाला आहे. या मार्गावर सुमारे ८ किमी रस्ता पार करण्यासाठी एक तास लागत असल्याने प्रवासी चांगलेच त्रस्त झाले होते. याशिवाय मुंबई-गोवा महामार्गाचे काम सुरू असले तरी काही ठिकाणी ते रखडल्याचे दिसून येत आहे. अशा परिस्थितीत वाहतूक कोंडीचा सामना करावा लागत आहे.