आपल्या कर्मचाऱ्यासह स्वतः त्या तरुणांचा सर्वत्र शोध घेतला. रेल्वे स्टेशन, बस स्थानक परिसरात पोलीस पथक तैनात करण्यात आली. अखेर या प्रकरणी एका तरुणाला अटक करण्यात आली आहे. त्या तरुणाच्या मोबाईलमधून अनेक गोष्टी उघड झाल्या आहेत, अशी माहिती पोलीस सूत्रांनी दिली आहे. त्यानुसार त्याच्या विरोधात भादवी कलम ३७६, बाल लैगिंग शोषण (पोस्को) नुसार त्याच्यावर गुन्हा दाखल करण्यात आला आहे. अधिक तपास चिपळूण सावर्डे पोलीस करीत आहेत. अशी माहिती चिपळूण येथील पोलीस अधिकाऱ्यांनी दिली.

वैद्यकीय तपासणी करण्यात आली असून या सगळ्याचा वैद्यकीय अहवाल आल्यानंतर तात्काळ पुढील कठोर कारवाई करण्यात येईल, अशी जिल्हा पोलीस अधीक्षक धनंजय कुलकर्णी यांनी दिली आहे. या संतापजनक प्रकारानंतर जिल्हाभरातून संतापजनक भावना व्यक्त होत आहेत. या सगळ्या प्रकरणाची गंभीर दखल जिल्हा पोलीस अधीक्षक धनंजय कुलकर्णी यांनी घेतली आहे. यामध्ये आणखी कोणाचा सहभाग आहे का याचा तपास सुरू असून पुरावे मिळताच अटक केली जाईल, अशी माहिती त्यांनी दिली आहे.