चर्चा कशाला, आरक्षण कसे देणार ते सांगा, विधानपरिषदेत विरोधकांचा आक्रमक पवित्रा
मुख्य सूत्रधाराचा शोध सुरू

या प्रकरणात २७८ आरोपींना आतापर्यंत अटक करण्यात आली आहे. यातील ३० आरोपी हे सराईत गुन्हेगार आहेत. माजलगावच्या घटनेत ४० गुन्हेगार फरारी आहे. त्यांचा शोध घेणे सुरू आहे. बीडच्या घटनेत ६१ गुन्हेगार सापडले नाही. त्यांचा शोध घेणे सुरू आहे. ज्या आरोपींना पकडले त्यांचे व्हाट्सअप मॅसेजेस, मोबाइल लोकेशन तपासण्यात आले आहे. पुरावा आढळलेल्यांना अटक करण्यात आली आहे. पोलिसांची संख्या आणि दंगलखोर यांची संख्या यात मोठा फरक होता. नवीन पोलिस फोर्स पाठवेपर्यंत दंगलखोरांना नियंत्रित करणे कठीण होते. असे हल्ले करणे हे नियोजित आहे का, याचाही शोध घेतला जाईल, याचे मास्टर माइंड कोण आहेत, याचाही शोध घेतला जाईल, असे फडणवीस म्हणाले. गुप्त वार्ता विभागाकडून अशी कुठलीही माहिती मिळाली नव्हती, असेही फडणवीस यांनी सांगितले.

देवेंद्र फडणवीस जातीयवादी भुजबळांना ताकद देतायेत, भाजपसाठी हे चांगलं नाही : जरांगे पाटील
एसआयटी स्थापन करणार

एवढा मोठा हल्ला होऊनही इंटेलिजन्स विभागाला कळू नये, यात आश्चर्य आहे. बीडमध्ये काही होणार आहे, अशी माहिती आधीच देण्यात आली होती. त्यामुळे हलगर्जीपणा झाला आहे, यात शंका नाही. पोलिस कमी असतातच. हवेत गोळीबार करून परिस्थिती नियंत्रणात का नाही आणली? असा मुद्दा आमदार जयंत पाटील यांनी उपस्थित केला. पालकमंत्र्यांनी एसआयटीची घोषणा करूनही ती अद्याप स्थापन का केली नाही, असे जयंत पाटील म्हणाले. सराईत गुन्हेगार या मॉबमध्ये सापडले असे पोलिसांचे म्हणणे आहे, मात्र हे आधी लक्षात आले नाही का? असा सवालही पाटील यांनी उपस्थित केला. दोन दिवसांत एसआयटी स्थापन करू, असे आश्वासन फडणवीस यांनी यावेळी दिले.