दरम्यान अशीच पार्टी रविवारी मध्यरात्री टेरेसवर सुरू होती. यावेळी अनेक कार्यकर्ते मध्यधुंद अवस्थेत होते यावेळी आवाज मोठ्या प्रमाणत येत असल्याने राजेंद्र वरपे यांनी राजेश क्षीरसागर यांना जाब विचारायला गेले. मात्र यावेळी मध्यधुंद अवस्थेत असलेल्या क्षीरसागर यांच्या कार्यकर्त्यांकडून आणि राजेश क्षीरसागर यांचे पुत्र ऋतुराज क्षीरसागर यांच्याकडून वरपे यांच्यासह त्यांच्या १५ वर्षीय मुलाला बेदम मारहाण केली असल्याचा आरोपी वरपे कुटुंबीयांनी केला आहे. तर मारहाण करतानाचे सीसीटीव्ही फुटेज देखील समोर आले असून यामध्ये राज्य नियोजन मंडळाचे कार्यकारी अध्यक्ष राजेश क्षीरसागर त्यांचा पुत्र ऋतुराज हे वरपे कुटुंबीयांना मारहाण करत असल्याचे दिसत आहे. वरपे यांनी रविवारी मध्यरात्री याबाबत लक्ष्मीपुरी पोलिसात धाव घेत राजेश आणि ऋतुराज क्षीरसागर यांच्या विरोधात तक्रार दाखल केली आहे.

पोलीस संरक्षण देणार नसतील तर उद्धव बाळासाहेब ठाकरे शिवसेना गट हे त्यांना संरक्षण देईल

पोलिसांनी अद्याप देखील क्षीरसागर यांच्यावर कोणताही गुन्हा दाखल केलेला नाही. राजेंद्र वरपे ज्या फ्लॅटमध्ये सध्या राहत आहेत, तो फ्लॅट राजेश क्षीरसागर यांना हवा आहे. त्यामुळे वरपे कुटुंबीयांनी तो फ्लॅट क्षीरसागर यांना विकावा, त्यांनी फ्लॅट सोडून जावे यासाठी त्यांना वारंवार त्रास दिला जात असल्याची तक्रार वरपे कुटुंबीयांच्या केला आहे. यातूनच क्षीरसागर यांनी राजेंद्र वरपे यांना गोळी घालणार अशी धमकी दिल्याचा आरोप मुलगी सिध्दी वरपे यांनी केला आहे. यामुळे कुटुंब सध्या प्रचंड भीती खाली असून मुख्यमंत्र्यांनी राजेश क्षीरसागर यांचे रिवाल्वर लायसन्स रद्द करावं आणि आम्हाला संरक्षण द्यावं अशी मागणी वरपे कुटुंबीयांनी मुख्यमंत्र्यांकडे केलेली आहे.

राजेश क्षीरसागर आणि राजेंद्र वरपे यांच्यातील वादामध्ये आता उद्धव बाळासाहेब ठाकरे शिवसेना गटाने उडी मारलेली आहे. क्षीरसागर यांच्या दमदाटीला शौर्य वरपे या मुलांना विरोध केला आणि त्यांच्यासोबत दोन हात केल्याने उद्धव ठाकरे शिवसेना गटाच्या वतीने शौर्य वरपे या मुलाचा हार घालून सत्कार ही करण्यात आला. तर राजेंद्र वरपे यांच्या कुटुंबीयांना जर पोलीस संरक्षण देणार नसतील तर उद्धव बाळासाहेब ठाकरे शिवसेना गट हे त्यांना संरक्षण देईल आणि राजेश क्षीरसागर यांच्या कार्यकर्त्यांना धडा शिकवती, असा इशारा कोल्हापूर शहराध्यक्ष रवी किरण इंगवले यांनी दिलेला आहे. दरम्यान या सर्व आरोपांवर माजी आमदार राजेश क्षीरसागर यांची अद्याप कोणतीही प्रतिक्रिया त्यांनी दिलेली नाहीय. मात्र सोशल मीडिया मध्ये वरपे कुटुंबीयांना होत असलेली मारहाण आणि शिवीगाळ चा व्हिडिओ प्रचंड व्हायरल होत आहे.