मयुद्दीन हा टिटवाळ्यात रिक्षा चालविण्याचे काम करतो. मागील काही महिन्यांपासून मयुद्दीन याचे पत्नी अलीमुना हिच्याबरोबर कौटुंबिक वादातून भांडण होत होते. असेच सोमवारी सकाळी त्यांच्यात भांडणे झाले. राग अनावर झाल्याने मयुद्दीन याने लाकडी दांडक्याने अलीमुना हिच्या डोक्यात फटके मारले. त्यामुळे ती बेशुद्ध पडली. त्यानंतर त्याने गळा घोटून तिची हत्या केली. त्यानंतर तिचा मृतदेह ड्रममध्ये टाकून रिक्षातून नेला. हा मृतदेह त्याने अंबरनाथकडे जाणाऱ्या नाळींबी गावाच्या शिवारात फेकून दिला.

Pune Crime : प्रेम करून लग्न केलं पण…; तरुणीचा घरातच आढळला मृतदेह, आईने सांगितलं भयंकर सत्य
हा प्रकार समजताच वरिष्ठ पोलीस निरीक्षक जितेंद्र ठाकूर यांनी घटनास्थळी भेट दिली. पोलिसांनी घटनास्थळाचा पंचनामा केल्यानंतर मृतदेह उत्तरीय तपासणीसाठी केडीएमसीच्या रूक्मिणीबाई हॉस्पिटलला पाठवून दिला. विशेष म्हणजे अलीमुनला खुशाली विचारण्यासाठी पित्याने अर्थात मोहम्मद खान यांनी फोन केला. मात्र, तिने फोन उचलला नाही. जावई मैनोद्दीन याने फोन उचलल्यानंतर त्याने अलीमुनचा खुन करून तिचा मृतदेह ड्रममध्ये घालून जंगलात टाकल्याचे सांगितल्यानंतर मोहम्मद खान यांच्या पायाखालची वाळूच सरकली.

रिक्षा घेण्यासाठी माहेरून २ लाख रुपये आणावेत यासाठी जावई मैनोद्दीन अन्सारी याने आपल्या मुलीकडे तगादा लावला होता. माहेरून पैसे आणले नाहीत म्हणून तिचा जावयाने सोमवारी सकाळी ८ ते दुपारी १च्या दरम्यान ठार मारल्याचा आरोप मोहम्मद खान यांनी त्यांच्या फिर्यादीत केला आहे.