म. टा. खास प्रतिनिधी, मुंबई: मलबार हिल जलाशयातील कप्पा क्रमांक दोनची अंतर्गत पाहणी तज्ज्ञ समितीकडून उद्या, गुरुवारी केली जाणार आहे. त्यासाठी जलाशयाचा कप्पा रिक्त करणे आवश्यक असल्याने शहरातील पाच वॉर्डमध्ये पाणीकपात करण्याचा निर्णय पालिकेने घेतला आहे. या जलाशयाच्या पुनर्बांधणी प्रस्तावाचे पुनरावलोकन करून समितीकडून कार्यपद्धती सुचवली जाणार आहे.
मुंबई महानगरपालिकेतर्फे मलबार हिल जलाशयाच्या पुनर्बांधणीचे काम हाती घेण्यात येणार आहे. या कामामुळे ३८९ झाडे, मलबार टेकडी परिसरातील रस्ते बाधित होणार असल्याने स्थानिकांनी पुनर्बांधणीला विरोध केला आहे. या पार्श्वभूमीवर आय. आय. टी.चे प्राध्यापक, स्थानिक नागरिक, पालिका अधिकारी यांचा समावेश असलेली तज्ज्ञ समिती स्थापन करण्यात आली आहे. या समितीकडून उद्या, गुरुवारी सकाळी ८ ते १० या कालावधीत जलाशयातील कप्पा क्रमांक दोनची अंतर्गत पाहणी केली जाणार आहे. त्यासाठी जलाशयाचा कप्पा रिक्त करावा लागणार असल्याने शहरातील पाच विभागांतील पाणीपुरवठ्यावर परिणाम होणार आहे. काही ठिकाणी पाण्याचा दाब कमी राहील. या कालावधीत जलाशयातील पाणीपातळी लक्षात घेऊन आवश्यकता भासल्यास विभागवार पाण्याच्या वेळेत बदल करण्यात येणार असल्याची माहिती पालिकेकडून देण्यात आली.
मुंबई महानगरपालिकेतर्फे मलबार हिल जलाशयाच्या पुनर्बांधणीचे काम हाती घेण्यात येणार आहे. या कामामुळे ३८९ झाडे, मलबार टेकडी परिसरातील रस्ते बाधित होणार असल्याने स्थानिकांनी पुनर्बांधणीला विरोध केला आहे. या पार्श्वभूमीवर आय. आय. टी.चे प्राध्यापक, स्थानिक नागरिक, पालिका अधिकारी यांचा समावेश असलेली तज्ज्ञ समिती स्थापन करण्यात आली आहे. या समितीकडून उद्या, गुरुवारी सकाळी ८ ते १० या कालावधीत जलाशयातील कप्पा क्रमांक दोनची अंतर्गत पाहणी केली जाणार आहे. त्यासाठी जलाशयाचा कप्पा रिक्त करावा लागणार असल्याने शहरातील पाच विभागांतील पाणीपुरवठ्यावर परिणाम होणार आहे. काही ठिकाणी पाण्याचा दाब कमी राहील. या कालावधीत जलाशयातील पाणीपातळी लक्षात घेऊन आवश्यकता भासल्यास विभागवार पाण्याच्या वेळेत बदल करण्यात येणार असल्याची माहिती पालिकेकडून देण्यात आली.
ए विभाग
– कफ परेड व आंबेडकर नगर
– नियमित पाणीपुरवठ्याची वेळ स. ११.२० ते दु १.४५पर्यंत
– या ठिकाणी पाणीपुरवठा १०० टक्के बंद राहील
– नरिमन पॉइंट व जी. डी. सोमाणी मार्ग
– नियमित पाणीपुरवठ्याची वेळ दु. १.४५ ते दु. ३
– पाणीपुरवठ्यात ५० टक्के कपात
शिंदेंचं मिशन ४८, मुंबईची जबाबदारी रामदास कदमांच्या लेकावर, मात्र एकाही महिलेला यादीत स्थान नाही
– मिलिट्री झोन
– नियमित पाणीपुरवठ्याची वेळ २४ तास
– पाणीपुरवठ्यात ३० टक्के कपात
मलबार हिल व आझाद मैदान जलाशयातून पाणी पुरवठा होणारे ‘ए’ विभागातील सर्व क्षेत्र (वरील विभाग वगळून)
– पाणीपुरवठ्यात १० टक्के कपात
सी विभाग
– मलबार हिल व आझाद मैदान जलाशयातून पाणीपुरवठा होणारे ‘सी’ विभागातील सर्व क्षेत्र
– पाणीपुरवठ्यात १० टक्के कपात
आरक्षणाची गॅरंटी कुणाला मिळणार? हिवाळी अधिवेशनात सरकारची अग्निपरीक्षा
डी विभाग
– पेडर रोड
– नियमित पाणीपुरवठ्याची वेळ दु. १ ते रा. १०.३०
– पाणीपुरवठ्यात २० टक्के कपात
– मलबार हिल व आझाद मैदान जलाशयातून पाणीपुरवठा होणारे ‘डी’ विभागातील सर्व क्षेत्र (वरील विभाग वगळून)
– पाणीपुरवठ्यात १० टक्के कपात
जी उत्तर व जी दक्षिण विभाग
– दादर पश्चिम, धारावी आणि माहीम परिसर, तसेच वरळी, लोअर परळ, प्रभादेवी, एल्फिन्स्टन यांचा पश्चिमेकडील काही परिसर
– पाणीपुरवठ्यात १० टक्के कपात
सात वर्षांत टप्प्याटप्याने काम
दक्षिण मुंबईला पाणीपुरवठा करणाऱ्या मलबार हिलमधील १३८ वर्षे जुन्या जलाशयाची पुनर्बांधणी केली जाणार आहे. जलाशयाच्या दुरुस्तीबरोबरच जलाशयाची क्षमता १४७.७८ दशलक्ष लिटरवरून १९१ दशलक्ष लिटरपर्यंत वाढवण्यात येणार आहे. या प्रकल्पाची किंमत ६९८ कोटी ५० लाख रुपये आहे. हे काम सात वर्षांत टप्प्याटप्याने केले जाणार असून ते २०२९पर्यंत पूर्ण करण्याचे उद्दिष्ट आहे.
Read Latest Maharashtra News And Marathi News