शनिशिंगणापूर येथील चौथरा मधल्या काळात खूप गाजला. या चौथऱ्यावर जाऊन दर्शन घेण्यास महिलांना बंदी होती. २०१५ च्या सुमारास महिला संघटनांनी या विषयी आवाज उठवला. भूमाता ब्रिगेडच्या तृप्ती देसाई यांनी यासाठी आंदोलनही केले. गावातून आणि अन्य ठिकाणाहूनत्या त्यांना विरोध झाला. अखेर ही बंदी मोडून चौथऱ्यावर जाऊन दर्शन घेण्यास महिला आंदोलकांना यश आले. त्यानंतर येथे बंदी नसून चौथरा सर्वांसाठी खुला असल्याचे देवस्थानतर्फे जाहीर करण्यात आले. या काळात देवस्थान समितीच्या अध्यक्षपदी महिला सदस्याची निवड झाली होती. पुढे सुरक्षेच्या कारणासाठी चौथऱ्यावर जाण्यास सर्वांनाच बंदी करण्यात आली होती.

अशा विविध कारणांमुळे चौथऱ्याचा विषय गाजला होता. चौथरा खुला असला तरी अनेक महिलांनी वर जाऊन दर्शन घेणे टाळल्याचे दिसून येते, तर काही महिला चौथऱ्यावर जाऊन दर्शन घेतात. आता देशाच्या सर्वोच्च पदावर असलेल्या द्रौपदी मुर्मू शनि शिंगणापूरला येत आहेत. त्याही चौथऱ्यावर जाऊन शनीदेवाला तेलाचा अभिषेक घालणार आहेत. चौथऱ्यासमोरच त्यांचा देवस्थानतर्फे सत्कारही करण्यात येणार आहे.