राजा सिंग हा रात्री उशिरापर्यंत घरी न आल्याने त्याच्या वडिलांनी पोलिसात तक्रार दिली. या प्रकरणाचा तपास केला असता नाशिक शहराजवळ असलेल्या वाडीवऱ्हे पोलीस ठाण्याच्या हद्दीत एक मृतदेह आढळल्याचे पोलिसांना समजले. पोलिसांनी घटनास्थळी जात शहानिशा केली असता अपहृत राजा सिंग याचाच मृतदेह असल्याचे निष्पन्न झाले. या घटनेने मात्र नाशिकच्या अंबड परिसरात एकच खळबळ उडाली आहे. नाशिक शहरातील अंबड परिसर हे वाढत्या गुन्हेगारी मुळे कायमच चर्चेत राहिलेले आहे.

दरम्यान, या हत्या प्रकरणी अंबड पोलिसांनी शुभम करंजकर, प्रवीण गोवर्धने, अमन खरात, निखिल पगारे, संतोष वाघमारे, सिद्धार्थ दाभाडे, भय्या साळवे एकूण ७ संशयित आरोपींना अटक केली आहे. या सातही आरोपींना कोर्टात हजर केले असता ५ दिवसांची पोलीस कोठडी सुनावण्यात आली आहे.