मराठा आरक्षणाच्या मागणीसाठी गावात साखळी उपोषण सुरु आहे. या उपोषणाला कोमल देखील बसायची. असं गावकऱ्यांनी सांगितले. मात्र तीने टोकाचं पाउल उचलल्याने सर्वाना धक्का बसला आहे. कुटुंबियांवर दुःखाच डोंगर कोसळलं आहे. या घटनेनंतर सोमेश्वर येथील ग्रामस्थ आक्रमक होतं आंदोलन स्थळी मृतदेह देऊन शासनाचा निषेध केला. जो पर्यंत प्रशासन या घटनेची दखल घेत नाही तो पर्यंत मृतदेहावर अंतविधी करणार नसल्याची भूमिका गावाकऱ्यांनी घेतली होती. दरम्यान उपजिल्हाधिकारी विकास माने आणि तहसीलदार संजय वरकड यांनी भेट देऊन चर्चा केली.

या प्रकरणी लिंबगाव पोलिस ठाण्यात गुन्हा नोंद करण्याची प्रक्रिया सुरु होती. कोमल बोकारे हिच्या मृतदेहा जवळ चिठ्ठी कुटुंबियांना सापडली आहे. मराठा समाजाला आरक्षण लवकर द्यावं. माझं बलिदान व्यर्थ जाऊ नये. आई अण्णा मला माफ करा असं चिठ्ठीत उल्लेख करण्यात आला आहे. दरम्यान कोमलने आत्महत्येपूर्वी चिठ्ठी लिहल्याचा दावा तिच्या कुटुंबियांनी केला आहे. दरम्यान आरक्षणाच्या मागणीसाठी नांदेड जिल्ह्यात आता पर्यंत पाच जणांनी आत्महत्या केली आहे.